«ҰБТ және мамандық таңдау табысқа апарар жол»

2025 жылдың 16 қазанында Мұхтар Әуезов атындағы жалпы орта білім беретін мектеп-лицейінде мектеп бітіруші түлектерге Ұлттық бірыңғай тестілеуге дайындық барысында мотивация беру, мамандық таңдау мәселелерінде бағыт-бағдар ұсыну, табысты болашаққа жетелейтін дұрыс шешім қабылдауға көмектесу мақсатында «ҰБТ және мамандық таңдау табысқа апарар жол» тақырыбында 11-сынып білім алушыларымен дөңгелек үстел өткізілді. Шара барысында оқушыларға ҰБТ тапсырудың талаптары мен ережелері түсіндіріліп, тестілеуге тиімді дайындалудың жолдары айтылды. Сонымен қатар, түлектерге мамандық таңдауда ескерілетін негізгі факторлар: жеке қабілет, қызығушылық, еңбек нарығындағы сұраныс және өмірлік мақсаттар туралы ақпарат берілді. Іс-шара білім алушылардың мақсатқа ұмтылыс, жауапкершілік және саналы таңдау жасау дағдыларын дамытуға бағытталды.