11- сынып оқушыларының ата-аналарымен жиналыс өткізілді

2023жылы  қыркүйек  айының 27-сінде   Мұхтар Әуезов атындағы жалпы орта білім беретін мектеп-лицейінде бітіруші 11- сынып оқушыларының  ата-аналарымен   жиналыс өткізілді. Жиналысқа ата-аналармен қоса, пән мұғалімдері, оқушылар қатысты. Мақсаты: 2023-2024 оқу жылындағы ҰБТ бойынша  өзгерістерді оқушылар мен ата-аналарға таныстыру.  Алдымен қолайлы орта қалыптастыру мақсатында мектеп психологтары  психологиялық тренинг жүргізді.  Жиналысты әрі қарай директордың бейіндік оқыту жөніндегі орынбасары Д.Жазбақова “ҰБТ-2024” - нормативтік құжаттармен таныстырды.  Ағымдағы оқу жылында 11-сыныптар бойынша  барлығы 41 оқушы ҰБТ-ге баратындығын атап көрсетті. Кәсіби бағдар беру педагогі  Л. Нұрсеитова мамандық таңдау жайлы баяндамасын оқыды. Мектеп директоры Н.Койшиманова оқушылар мен ата- аналарға алға қойған мақсаттарына жетіп, әрқайсысы бір мамандық иесі атануына жылы лебізін білдіріп, ақыл-кеңесін аямады. Мектеп тарапынан қосымша сабақтардың ұйымдастырылып өтіп жатқанын да ескертті. Жиналыс соңында пән мұғалімдерімен консилиум өткізілді. Әрбір  ата-ана өз баласының  сабақ беріп жүрген пән мұғалімдеріне барып, оқу үлгерімі жайлы ақпарат алды.