“Мамандықтың бәрі жақсы”

2023 жылдың 8 қарашасында мектеп-лицейіміздің қосымша білім беру педагогтарының ұйымдастыруымен оқушыларды кәсіпкерлікке бағыттау, кәсіпкер тұлғалардың еңбек жолын дәріптеу мақсатында 10-сынып оқушыларына арнап “Мамандықтың бәрі жақсы” атты кездесу өткізілді. 

Кездесудің басты қонағы “AQ NUR” шаруа қожалығының басшысы - Алимсеитов Мақсат Орыналиевич мырза болды. 

«AQ NUR» қымызының негізін қалаушы Алимсеитов Мақсат Орыналиевич 1986 жылы сәуір айының 24-і күні Меркі ауданы, Тәтті ауылдық округінде дүниеге келген. Ең алғаш қымыз өндіру кәсібін 2017 жылы бастаған. Бүгінгі таңда 6 жанұяны жұмыспен қамтып отырған шаруа қожалығында 150-ге жуық жылқы малы бар. 

Кәсіпкер оқушыларға қымыздың дайындалу технологиясын түсіндіріп, болашақта кәсіпкер болғысы келетін оқушыларға бірқатар ақыл-кеңес айтты.

     КББП Н.Абаева,Л.Нурсеитова