Ата-аналар жиналысы

2023 жылдың 26 желтоқсан  күні   Мұхтар Әуезов атындағы жалпы орта білім беретін мектеп-лицейінде 11 «А,Ә » сыныптары ата-аналарымен жиналыс болып өтті.

Күн тәртібіндегі қаралған мәселелер:

* 1. Ұлттық бірыңғай тестілеуге дайындық нәтижелерімен танысу

* 2. Білім сапасы

*3. Мереке күндеріндегі қауіпсіздік.                            

Күн тәртібіндегі  мәселе бойынша мектеп директоры Койшиманова Нұрила Сейсембаевна  екі сыныптың ҰБТ-ға дайындық мақсатында алынған сынама тесттер нәтижесіне сараптама жасады.  Алдағы уақытта қаңтар айындағы ақылы тестке тіркелуі туралы жан-жақты мәліметтер берді.  Ата-аналарға қысқы демалыс кезінде оқушылардың қосымша сабаққа келуін қамтамасыз етуді тапсырды.                                       Екінші мәселе бойынша сынып жетекшілер І жартыжылдық білім сапасы туралы таныстырды. Білім сапасы 11 «А»сыныбында 70,6%  ал 11 «Ә»сыныбында    66% білім сапасы көрсетілді. Өткен тоқсанға қарағанда өсу динамикасын көре аламыз.

Сондай-ақ мектеп директоры Нұрила Сейсембаевна негізгі мәселе  Мереке күндеріндегі балалардың өмір қауіпсіздігі және тәртіп туралы айтты. 28 желтоқсан күні сағат 14.00-17.00 аралығында жаңа жылдық кеш болатынын жеткізді.   Ата-аналарға кеш аяқталған соң балаларды өздері алып кетуін және сынып жетекшілер әрбір баланың үйіне аман-есен жетуін әкімшілікке хабарлап отыруын тапсырды. Мереке күндері балаларының тәртіпсіздікке жол бермеуі, пиротехникалық заттарды қолданбауы туралы  ескертті. Қорыта айтқанда, аталған мәселелерді басты назарға алуды ескертті.