Қазақстан Республикасының Президенті Н. Назарбаевтың 10.01.2018 жылғы «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы жолдауын насихаттау бойынша кезектен тыс өткізілген жиналыстың Хаттамасы №3

 

Қазақстан Республикасының Президенті Н. Назарбаевтың 10. 01. 2018 жылғы «Төртінші өнеркәсіптік революция жағдайындағы дамудың жаңа мүмкіндіктері»тақырыбындағы жолдауын насихаттау бойынша кезектен тыс өткізілген жиналыстың

 

Хаттамасы №3

Өткізілген күні: 11.01.2018ж.

Қатысқаны: мектеп әкімшілігі, педұжым,кіші қызметкерлер

Қаралатын мәселе:Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы жолдауын педұжымға насихаттау.

Мектепте 11 қаңтар күні ҚР-ның Президенті Н.Ә.Назарбаевтың 10.01.2018 жылғы «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы жолдауын мектеп ұжымына мектеп директоры Б.Қыстауов, директордың тәрбие ісі жөніндегі орынбасары Н.Анисова, тарих пәнінің мұғалімдері Е.Садыков пен С.Кушанова жолдаудың маңызды міндеттерін оқи отырып, түсіндіріп, талқылау жұмыстарын жүргізді. Мектеп директоры Б.Қыстауов жолдаудағы әлем Төртінші өнеркәсіптік революция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне қадам басып келетінін, 100 нақты қадам –Ұлт жоспары жүзеге асырылуда екенін, 76 қадам - 12 жылдық білім беруді кезең – кезеңмен енгізу, функциалық сауаттылықты дамыту, жоғары сыныптарды жанбасылық қаржыландыруды енгізу, табысты мектептерді ынталандыру жүйесін құруды. 79 қадам- мектептерде ағылшын тілінде оқытуға кезең – кезеңімен көшуді. 89 қадам – Мәңгілік Ел құндылықтарын мектептерде қолданатынымыз жайында әңгімеледі. «Цифрлық Қазақстан» кешенді бағдарламасы қабылданғанын, Қазақстан Республикасының 2025 жылға дейінгі дамуының кешенді стратегиялық жоспары жасалғанын, біз дүниежүзілік ЭКСПО мамандандырылған көрмесін өткізу үшін әлемдік қоғамдастық таңдап алған ТМД және Шығыс Еуропа елдері арасындағы бірінші мемлекет болғанымызды,биылғы жылы елордамыз Астананың 20 жылдығының аталып өтетініне тоқталып, жолдаудағы 10 ауқымды міндеттермен таныстырып өтті.

1.Индустрияландыру жаңа технологияларды енгізудің көшбасшысына айналуы тиіс.

2.Ресурстық әлеуетті одан әрі дамыту.

3.«Ақылды технологиялар» – агроөнеркәсіп кешенін қарқынды дамыту мүмкіндігі.

4. Көлік-логистика инфрақұрылымының тиімділігін арттыру.

5. Құрылысқа және коммуналдық секторға заманауи технологияларды енгізу.

6. Қаржы секторын «қайта жаңғырту».

7.Адами капитал – жаңғыру негізі.

8.Тиімді мемлекеттік басқару

9.Жемқорлықпен күрес және заңның үстемдігі

10.«Ақылды қалалар», «Ақылды ұлт» үшін.

Келесі сөз кезегін ақпараттық – насихаттау тобының мүшесі тарих пәнінің мұғалімі Садыков Еркін әр бағытты жіті түсіндіріп, жеке тоқталып өтті. Ондағы цифрлық және басқа да инновациялық шешімдерді әзірлеушілердің экожүйесін дамытуы, ІТ – стандартардың халықаралық технопаркі сияқты инновациялық орталықтардың төңірегінде қалыптасуы, инжинирингтік қызмет көрсетуді дамыту, білім беру жүйесін, коммуникация мен стандарттау салаларын жаңа индустрияландыру талаптарына бейімдеу қажет болатынына тоқталды. Жүк қозғалысы онлайн режімінде бақылап, олардың кедергісіз тасымалдануы үшін және кедендік операцияларды жеңілдету мақсатымен блокчейн сияқты цифрлық технологиялардың ауқымды түрде енгізілуін қамтамасыз ету қажет екенін де айтып өтті.

Ақпараттық – насихаттау тобының екінші мүшесі тарих пәнінің мұғалімі Кушанова Салтанат жолдаудың жетінші бағытына жеке тоқталып, ондағы білім берудің жаңа сапасы туралы анық айтып өтті. 2019 жылдың 1 қыркүйегіне қарай мектепке дейінгі білім беру ісінде балалардың ерте дамуы үшін өз бетінше оқу машығы мен әлеуметтік дағдысын дамытатын бағдарламалардың бірыңғай стандарттарын енгізу қажет, ал, орта білім беру саласында жаңартылған мазмұнға көшу басталды, ол 2021 жылы аяқталатын болады. Бұл – мүлде жаңа бағдарламалар,оқулықтар, стандарттар және кадрлар даярлау жұмыстары жүретініне тоқталды. Барлық өңірлердегі оқушылар сарайларының базасында компьютерлерді, лабораторияларды және 3Д- принтерлерді қоса алғанда, барлық қажетті инфрақұрылымдары бар балалар технопарктері мен бизнес – инкубаторларының желісін құрылатынын да қуана жеткізді. Орта мектеп пен колледждер және жоғарғы оқу орындары үздік оқытушыларының видеосабақтары мен видеолекцияларын Интернетте орналастыруы қажет екенін айтты. Бұл барлық қазақстандықтарға, оның ішінде шалғайдағы елді мекен тұрғындарына озық білім мен құзыреттілікке қол жеткізуге жол ашады. Қолданбалы ғылыми – зерттеулерді ағылшын тіліне біртіндеп көшіруді жүзеге асыру талап етілетіні туралы айтылды.

Директордың тәрбие ісі-жөніндегі орынбасары Н.Анисова оқушылардың қазақ, орыс, ағылшын тілдерін еркін меңгеруі жайында жұмыс жасау керек екенін айтты. 2018 жылдың 1 қаңтарынан бастап ынтымақты зейнетақы 8 процентке артатыны.Мүгедектерге, асыраушысынан айырылған және мүгедек балалар тәрбиелеп отырған отбасыларына арналған жәрдемақылар 16 процентке дейін өсетіні.2018 жылдың 1 шілдесінен бастап базалық зейнетақы еңбек өтіліне байланысты орташа алғанда 1,8 есе көбейетінін айтып өтті. Бұдан бөлек, 2018 жылдың 1 шілдесінен бастапкәмелетке толған, бала кезінен бірінші топтағы мүгедектерді бағып отырған ата-аналарүшін қосымша мемлекеттік жәрдемақыны енгізуді тапсыратынын. Бір ең төменгі күнкөріс деңгейінен кем емес мұндай жәрдемақыны шамамен 14 мың отбасы ай сайын алатынын. 2018 жылы осы мақсатқа 3 миллиард теңгеге дейін қаржы қажет болатынын түсіндірді.

Мұғалім мәртебесін арттыру мақсатымен білім берудің жаңартылған мазмұнына көшкен ұстаздардың лауазымдық жалақысын 2018 жылдың 1 қаңтарынан бастап 30 процентке көбейтуді тапсыратынын. Жаңартылған мазмұн дегеніміз – халықаралық стандарттарға сай келетін және Назарбаев зияткерлік мектептерінде бейімделуден өткен заманауи оқу бағдарламалары екенін түсіндірді.

Елбасының 2018 жылы категориялар арасындағы алшақтықты арттырып, мұғалімдер үшін біліктілік деңгейін ескеретін категориялардың жаңа кестесін енгізуді тапсыратынын айтты.

Категорияларды бүкіл әлемде қолданылып жүрген ұлттық біліктілік тест арқылы беру керек екенін түсіндірді. Бұл педагогтарды өздерін ұдайы курстарға барып, жетілдіруге ынталандыратын болады. Нәтижесінде, мұғалімдердің жалақысы біліктілігінің расталуына байланысты тұтастай алғанда 30 проценттен 50 процентке дейін өседі. Бұл үшін биыл қосымша 67 миллиард теңге бөлу қажет екені айтылды. Біз жаңа заманға сай болу үшін төртінші өнеркәсіптік революция жағдайындағы тарихи өрлеу бастауында тұрған біртұтас ұлт болуымыз үшін жұмыс істеуіміз қажет екені айтылды.

Шешімі:

1 Мектеп дәлізінде, сынып бөлмелеріне жолдауға арналға стенд жаңалансын.

2 Ақпараттық – насихаттау тобы құрылып, түсіндіру жұмыстарын жүргізсін.

3 Барлық сынып жетекшілер ата – аналарға, сыныптарына түсіндіру жұмыстарын жүргізсін.

4 Жолдаудың жылдық жоспары жасалынсын. Сынып жетекшілер жоспарға сәйкес тәрбие сағаттарын өткізсін.