9-11 сынып оқушылары арасындағы математика пәні бойынша олимпиада

02.12.2021 жылы Нұр-Сұлтан қаласы, Еуразиялық Ұлттық университеті мен Владимир Савва атындағы №9 жалпы орта білім беретін мектеп-лицейінің арасында құрылған өзара ынтымақтастық мемарандум аясында облыстық білім басқармасының ұйымдастыруымен, Меркі ауданы, В.Савва атындағы №9 ЖОББМЛ-де  ҚР Тәуелсіздігінің 30 жылдығы аясында 9-11 сынып оқушылары арасындағы математика пәні бойынша олимпиада ұйымдастырылып, өткізілді. Аталмыш додада облысымыздың түкпір-түкпірінен 120 оқушы мен 40-қа жуық жетекші-мұғалімдер Меркі ауданында бас қосты. Бұдан бөлек облыс көлемінде өткізілген аталмыш доданың қонақтары ретінде аудан әкімінің орынбасары  Бегалиев Берік Дүйсенбайұлы мен білім бөлімінің әдіскерлері де мектебіміздің төрінен орын алды.

  Сонымен қатар, мектеп қабырғасында дәл осы күні Тұңғыш Президент күніне орай "Ашық шахмат турнирінің" тұсаукесері өткізілді. Тұсаукесер іс-шарасында олимпиаданың комиссия мүшелері қатысып, қатысушыларға ыстық лебіздері мен жылы тілектерін жеткізді. Тұсаукесер лентасын ЕҰУ-нің механика-математика факультетінің деканы Қозыбаев Данияр Хайбилдаевич пен "Жамбыл дарыны" ғылыми-практикалық орталығы директорының орынбасары Джулдибаева Айлин Сакенқызы кесті. 

    Жалпы оқушылардың олимпиадаға толықтай жұмылдырылу уақытында  ұйымдастырушылар тарапынан мұғалімдерге арналған "Ғылыми жұмыстарды жасау кезеңдері" тақырынбында семинар өткізілді. Семинарға олимпиадаға келген жетекші-ұстаздар мен мектеп мұғалімдері қатысты.

      Облыстық олимпиада кезеңіне Меркі ауданынан 21 оқушы қатысты. Соның ішінде №9 жалпы орта білім беретін мектеп-лицейінен қатысқан 6 оқушы жүлдері орындарға ие болды. Атап өтсек:

11 сынып оқушысы Әшімбек Шаттық - І орын;

9 сынып оқушысы- Жуль Анастасия- II орын;

11 сынып оқушысы- Серікбай Бегайым III орын; 

10 cынып оқушысы - Жақсылық Диана III орын;

11 сынып оқушысы -Салиев Султан III орын;                                                                                                                   11 сынып оқушысы-Әшімбек Айдана III орын мен марапатталып, ауданымыздың мерейін асқақтатты. Олимпиадада топ жарып, үздік атанған 11 сынып оқушысы  Әшімбек Шаттық қаңтар айында Нұр-Сұлтан қаласы, Еуразиялық Ұлттық университетінің қабырғасында өткізілетін олимпиаданың Республикалық кезеңіне жолдама алды. Бұл-үлкен мүмкіндік! 

Барша жеңімпаздарымызды шын жүректен құттықтаймыз және білімді ұрпақ тәрбиесіне елеулі үлес қосқан ұстаздарымызға шексіз алғыс білдіреміз!