Білім ұясындағы мамандар

2025 жылдың 19 қараша күні Мұхтар Әуезов атындағы жалпы орта білім беретін мектеп-лицейінде 1-2 сынып білім алушыларына «Білім ұясындағы мамандар» тақырыбында кітапханаға экскурсия ұйымдастырылды. Экскурсияның мақсаты – білім алушылардың кітапхана туралы түсініктерін кеңейту, кітап оқу мәдениетін қалыптастыру және ақпарат көздерімен жұмыс істеу дағдыларын дамыту. Экскурсия барысында білім алушылар  кітапхананың құрылымы, кітаптарды тіркеу және сақтау ережелері, электронды каталогпен жұмыс істеу тәртібімен танысты. Сонымен бірге кітапханашы балаларға түрлі жанрдағы әдебиеттер туралы ақпарат беріп, жаңа кітаптар көрмесін көрсетті. Оқушылар сұрақтар қойып, белсенді түрде қатысып, өздеріне қажетті кітаптарды таңдау мүмкіндігіне ие болды. Экскурсия жоспарға сәйкес жоғары деңгейде өтті. КББ: А.Байкулова, Ж.Иманбаева