«Абай оқулары » облыстық байқауы

Бүгін Мұхтар Әуезов атындағы жалпы орта білім беретін мектеп-лицейінің бастауыш сынып мұғалімі Шукурова Лана Облыс әкімдігінің тілдерді дамыту басқармасының ұйымдастыруымен өткен «Абай оқулары » облыстық байқауынан ІІІ орын иеленді. Қазақ тілінің көркемдік ерекшелігін, бай сөз қорын Абай шығармашылығы арқылы насихаттау мақсатында ұйымдастырылған байқауда: 1. Абай шығармаларын жатқа мәнерлеп оқуда «Ғылым таппай мақтанба» өлеңін; 2. Мұхтар Әуезовтің «Абай жолы » романы І V том. Эпилогтан үзіндісін; 3. Абай әндерінен «Көзімнің қарасы» әнін нақышына келтіре орындап шықты. Ұлты өзге болса да жүрегі қазақ деп соғатын Лана Қамбарқызына шығармашылық табыс тілейміз!