🔰Махамбет Өтемісұлы – отты жылдар ақыны!

Махамбет Өтемісұлы – отты жылдар ақыны! 

2023 жылдың 11 қазанында Мұхтар Әуезов атындағы жалпы орта білім беретін мектеп-лицейінде қазақ тілі мен әдебиеті пәні бірлестігінің айлығы барысында А.Мухтанова дауылпаз ақын, қазақ халқы үшін отқа да, суға да түскен есіл ер, даңқты батыр Махамбет Өтемісұлына арналған «Махамбет Өтемісұлы – отты жылдар ақыны!» атты әдеби кеш өткізді. 

Махамбет-тасқындаған қайраттың ғана емес, ең алдымен, кең толғап, кем пішер кемеңгер ақылдың көрінісі. 

Кеш барысында оқушылар өршіл рухты ақынның өлеңдерін мәнерлеп оқыса, бірсыпырасы Махамбет жайлы академиктердің пікірлерімен бөлісті. Бақытжан Інжу мен Советхан Аружан әсем әндерінен шашу шашса, кеш соңында оқушылар Махамбет Өтемісұлының сөзіне жазылған "Мен, мен едім, мен едім" әнін хорда орындады. 

Бүгінгі кештен мол тағылым алған оқушыларымыз болашақта дауылпаз ақынның өлеңдерін жаттап, оны насихаттауда үлкен рөл атқарады деген сенімдеміз!