«Талмен бірге өсейік!»

Мұхтар Әуезов атындағы  жалпы орта білім беретін мектеп-лицейінде "Қамқор" жобасы аясында  «Талмен бірге өсейік!» атты күзгі көгалдандыру  акциясы өткізілді. 

Туған жердің тазалығын сақтау, оқушыларды көгалдандыру жұмысымен шұғылдандыру және табиғатты сүюге, аялауға, қорғауға әр азаматтың өз үлесін қосуға баулу,мектепте жыл сайынғы дәстүрге айналған.

Табиғат – тіршілік атаулының құтты қоныс-мекені, тіршіліктің түлеп өсуіне қажетті нәрі, жер бетіне көрік берген сәні. Табиғат, Жер-ана, Атамекен, Туған жер, ауылым, деген бір-бірімен тамырлас әрі тағдырлас. Туған жердің барлық табиғи қадір қасиеті -ананың ақ сүтімен тұла бойыңа тарайды.

Биылғы 1-сынып оқушылары 11 жыл мектеп табалдырығында жүргенде өздерімен бірге өскен,өздері бүгінгі куә болған сәтті ұмытпайтыны сөзсіз.Мектебімізге келген қадірлі қонақтармен тал егу рәсімі осылай дәстүрлі түрде жалғасын  тапса дейміз.Келер ұрпаққа үлгі өнеге болса дейміз.Тұрар Рысқұлов оқыған мектептің алдында мәуесін  жайып,жайқалып тұрса,әрбір өткен адам баласына ой салары анық. 1-сынып оқушыларының ата-аналары да қамқор болып, атсалысып, бүлдіршіндерге баталарын берді.