07
ноябрь
2017
«Талмен бірге өсейік» атты өткізілген күзгі көгалдандыру акциясының анықтамасы
№9 Савва атындағы орта мектебінде Елбасымыз Н.Ә.Назарбаевтың «Болашаққа бағдар:рухани жаңғыру» мақаласындағы Туған жер бағдарламасын басшылыққа ала отырып «Талмен бірге өсейік» атты өткізілген күзгі көгалдандыру акциясының анықтамасы
Мақсаты: Туған жердің тазалығын сақтау, көгалдандыру жұмысымен шұғылдандыру және табиғатты сүюге, аялауға, қорғауға әр азаматтың өз үлесін қосуға баулу.
Мектебімізде 31-қазан күні елбасымыз Н.Ә.Назарбаевтың «Болашаққа бағдар: рухани жаңғыру» мақаласындағы Туған жер бағдарламасын басшылыққа ала отырып «Талмен бірге өсейік» атты күзгі көгалдандыру акциясы өткізілді. Осы акцияда мектеп ауласына 100 тал және 100 гүл егілді (жасыл шырша, можевельник, ақ қайын, жеміс ағаштары және раушан гүлдері). Акцияға ұлтымыздың біртуар ұлы- азаматы, заңғар алып тұлға, «Қазақ» деген халықты әлемге танытқан, мақтанышымыз М.О.Әуезовтің ұлы «Асылдың жалғасы» Мұрат Мұхтарұлы Әуезов, облыс әкімінің орынбасары Абдраимов Ғалымжан Райұлы, аудан әкімі Өмірбеков Мейірхан Азатұлы қонаққа келді. Олар мектебіміздің 1 – ші сынып бүлдіршіндерімен және мектеп мақтаныштарымен бірге ағаш отырғызды.
Акцияда 9 – 10 сынып оқушылары «Гүлдер» биін билесе, бастауыш сынып оқушылары үш тілде тақпақтарын айтты. Сонымен қатар, «Туған жер», «Қазақстан» әндері де орындалды. Осы акциямыз 1-ші сыныптар мен 11 –ші сынып түлектері үшін үлкен мәртебе. 1 сыныптар мектеп қабырғасында жүргенде өздері еккен ағаштың жайқалып өскеннін көріп өссе, 11 сыныптар «Мектепке тағзым» жасап, әр жыл сайын өздерінің отырғызған ағаштарының саясына келіп, мектеп қабырғасында өткізген ыстық күндерін еске алады деп ойлаймыз. Осындай акциялар алдағы уақытта да жоспарланып, жыл сайын жалғасын таппақ.
