26
октябрь
2017
Қазақстан Республикасының Мемлекеттік рәміздерді насихаттау бойынша 13.10 – 23.10 аралығына арналған іс – шаралар
№9 В.А.Савва атындағы орта мектебінде Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласын іске асыру мақсатында Қазақстан Республикасының Мемлекеттік рәміздерді насихаттау бойынша
13.10 – 23.10 аралығына арналған іс – шараның Анықтамасы
Мақсаты: Оқушыларға Қазақстан Республикасының 2007 жылғы 4 маусымдағы № 258 Конституциялық заңында Қазақстан Республикасының Мемлекеттік Рәміздері - Мемлекеттік Ту, Мемлекеттік Елтаңба, Мемлекеттік Гимн, Қазақстан Республикасының Мемлекеттік Рәміздері болып табылатынын кеңінен түсіндіру. Қазақстанда туып – өскен әрбір азаматты Қазақстан Республикасының Мемлекеттік Рәміздерін, Ата Заңды қадірлеуге, Отанын сүюге, тілді, дінді берік ұстауға, қастерлеуге, сыйлауға үйрету, Отанға деген патриоттық сезімдерін ояту мақсатында жүргізілді.
Мектебімізде Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласын іске асыру мақсатында Қазақстан Республикасының Рәміздерін насихаттау бойынша онкүндіктің жоспары жасалынып, бекітілді. Жоспар бойынша әр аптаның дүйсенбі күндері Қазақстан Республикасының Гимні орындалды. 13.10 күні Қазақстан Республикасының насихаттау бойынша салтанатты жиын өткізілді. Мектеп оқушыларына ҚР-ның рәміздерінің тарихымен, авторларымен, құрылу кезеңдерімен таныстырылып өтілді. Біздер тәуелсіз қазақ елінің жасұландарымыз. Сондықтан өз жерімізді, өз елімізді әкелер мен аталарымыз сияқты қадірлеуге, рәміздерін сүюге, сыйлауға тиіс екенімізді естен шығармайық дей отыра интерактивті тақта арқылы жасалынған слайдтан ҚР – ның Рәміздерін, Ата Заңын, тілін, дінін, Елбасын т.б. қадір тұтатын жұмыстар көрсетілді. Салтанатты жиынымыздың ашылу құрметіне мектебіміздің директоры Қыстауов Болатбек Тәңірбергенұлына сөз берілді. Жиында оқушылар өздері жаттап келген Отан, туған жер, ҚР рәміздері туралы өлеңдерін оқыды. Салтанатты жиынымызда 7 сынып оқушылары «Көк тудың желбірегені» әнін орындаса, 10 сынып оқушылары би биледі. Пән мұғалімдері 1 – сабақтарын ҚР – ның Гимнмен бастап, оқушылардан ҚР- ның Рәміздері туралы сұрады. Мектеп кітапханашылары мен тарих пәнінің бірлестігі «Қазақстан Республикасының - Рәміздері» тақырыбында стенд көркемдеді. Сонымен қатар сынып жетекшілер «Қазақстанның Мемлекеттік - Рәміздері» тақырыбында Дөңгелек үстел, интеллектуалды ойындар, сынып сағаттарын өткізді. 8 сыныптар «Елімнің көк байрағы» тақырыбында альбом жасады. Қазақ тілі пән мұғалімдері 5 сынып оқушыларынан «Рәміздерім - мақтанышым» тақырыбында эссе, 9 сынып оқушыларынан шығарма алды. Мектеп Ұланбасы мен мектеп комитетінің ұйымдастыруымен «Елтаңбасы елімнің» атты мәнерлеп өлеңдер оқудан байқау өткізілді. Мектеп психологтары ҚР- ның Мемлекеттік Рәміздерін насихаттау бойынша білімдерін тексеру мақсатында 5 – 11 сыныптар арасында сауалнама жүргізсе, денешынықтыру пән мұғалімдері «Мақтаныш етем көк туды» атты спорттық жарыстар жүргізді. «Менің елімнің – Елтаңбасы» тақырыбында 9 – сыныптар арасында интеллектуалды көшбасшылық ойындар өткізілді. Сонымен қатар 10 -11 сыныптар арасында «ҚР- ның Рәміздерінің тарихы» тақырыбында дөңгелек үстел ұйымдастырылды. 3 сыныптың сынып жетекшілері ҚР – ның Рәміздерінің тарихымен танысу мақсатында оқушыларды мұражайға саяхатқа апарды.
