Денсаулық фестивалі - 2017

№9 В.А.Савва атындағы орта мектебінде 2017 – 2018 оқу жылының 9 қыркүйек күні «Біздің денсаулығымыз – өз қолымызда!» ұранымен Салауатты өмір салтын қалыптастыру қызметінің 20 жылдығына орайластырылған  «Денсаулық фестивалі - 2017»

         Меркі ауданы әкімдігінің білім бөлімі Қазақстан Республикасының Президентінің 2016 жылғы 15 қаңтардағы №176 Жарлығымен бекітілген Қазақстан Республикасының денсаулық сақтау сақтау саласын дамытудың 2016 – 2019 жылдарға арналған «Денсаулық» мемлекеттік бағдарламасының іс – шаралар жоспарын жүзеге асыру мақсатында 2017 жылдың 9 қыркүйегінде «Біздің денсаулығымыз – өз қолымызда!» ұранымен Салауатты өмір салтын қалыптастыру қызметінің 20 жылдығына орайластырылған «Денсаулық фестивалі - 2017» жоспары жасалынып, бекітілді. «Денсаулық фестивалін өткізу туралы» күніне орай «Біздің денсаулығымыз – өз қолымызда!» ұранымен мектебімізді салтанатты жиынмен ашылды. Музыка жетекшісінің ұйымдастыруымен «Біз СӨС- ті ұстанамыз» акциясы өткізілді.     
    Акцияға  мектеп мұғалімдері мен оқушылары қатысты. Акцияда  мектеп директоры Б.Т.Қыстауов ұстаздарды, оқушыларды құттықтап, акцияның мақсатымен таныстырып өтті. Оқушыларға денсаулықты сақтау мен нығайту, дұрыс тамақтану тәртібін сақтау, зиянды әдеттерден аулақ болу, салауатты өмір салтын ұстануды  жастық шағынан меңгеру, әрбір азаматтың жауапкершілігі екендігін түсіндіріп өтті.  Акция соңында    ұстаздар мен оқушылар  музыка сүйемелдеуімен спорттық флеш – моб биледі.
 
Сонымен қатар, дене шынықтыру пән мұғалімдерінің ұйымдастыруымен   «Менің денім сау болса – елім сау» тақырыбында 5 – 7 сыныптар арасында ұлттық ойындардан, 8 – 11 сыныптар арасында эстафеталық ойындар өткізілді.  Жарыс соңында жеңімпаз оқушылар алғыс хаттармен марапатталды.