№9 В.А.Савва атындағы орта мектебінде Қазақстан Республикасы Қарулы Күштерінің 25 жылдығына орай Отан қорғаушы күнін, 1941-1945 жылдардағы Ұлы Отан соғысындағы Жеңістің 72 жылдығына орай өткізілген іс-шаралар

№9 В.А.Савва атындағы орта мектебінде Қазақстан Республикасы Қарулы Күштерінің 25 жылдығына орай Отан қорғаушы күнін, 1941-1945 жылдардағы Ұлы Отан соғысындағы Жеңістің 72 жылдығына орай өткізілген іс-шара

Мақсаты: Оқушыларды адамгершілікке, отанын сүюге, оны қорғауға баулу. Отанға деген сүйіспеншілігін арттыру. Оларға патриоттық тәрбие беру. Оқушыларды Ұлы Отан соғысымен, қазақстандықтардың ерлік істерімен таныстырып, ой - өрісін дамыту. Оқушыларды үлкен адамдарды сыйлай білуге, оларды қадірлеуге тәрбиелеу.

Жеңіс күні 9-мамыр – бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам. Міне,осыдан бері 72 жыл мерзім уақыт өтті.Биыл Ұлы Жеңістің 72 жылдығын тойлап отырмыз!

Сонымен қатар мектебімізде Қазақстан Республикасы Қарулы Күштерінің 25 жылдығына орай Отан қорғаушы күніне іс-шараның жоспары құрылып, бекітілді.

Мектебімізде мектеп кітапханашылары Ұлы Отан соғысындағы Жеңістің 72 жылдығына арналған «Жеңіс әр азаматтың жүрегінде» атты стенд жасаса,

бейнелеу пән мұғалімдері 5-8 сыныптар арасында сурет салудан байқау өткізді.Байқау барысында І орынға ие болған 5 «а» сыныбы, ІІ орынды 7 «б», ІІІ орынды 6 «д» сыныбы иеленді.

 

 

Ұлы Отан соғысының батырларына, Отан қорғаушыларға арналған ескерткішті ретке келтіру,абаттандыру, көріктендіру бойынша «Ардагерлерге тағзым» атты 8 сынып оқушылары тазалық жұмыстарын жүргізді.

 

 

5-6 мамыр күндері мектеп оқушылары ескерткіш маңындағы мәңгілік от жанында «Естелік вахтасын» өткізді.

 

 

         

 

 

Мектепте оқушылар арасында «Ерлік –елге өнеге, ұрпаққа ұран» атты ардагерлерге қайырымдылық және рухани қолдау көрсетті. Сынып жетекшілер оқушыларымен бірге ардагерлердің үйіне барып, бірге отырып әңгімелесті. Оқушылар үй маңында тазалық жұмыстарын жүргізіп, естелікке суретке түсіп қайтты.

 

1-11 сынып жетекшілер Ұлы Отан соғысындағы Жеңістің 72 жылдығына арналған «Жеңіс күні Ұлы күн», «Ол күндердің өшпес данқы», «Желбіре, Жеңіс жалауы!» тақырыптарында ашық тәрбие сағаттарын өткізді.

 

 

6 мамыр күні мектебімізде «Жеңіс күні-Ұлы күн» атты салтанатты жиын өткізілді. Жиында Қазақстан Республикасының Мемлекеттік Туын салтанатты түрде әскери тәртіпте алып өтті. Мемлекттік Гимн орындалды. Салтанатты жиынымыздың ашылу құрметіне мектебіміздің директоры Қыстауов Болатбек Тәңірбергенұлына сөз берілді. Оқушыларды, ұстаздарды биылғы Қазақстан Республикасы Қарулы Күштерінің 25 жылдығымен, Отан қорғаушы күнімен, 1941-1945 жылдардағы Ұлы Отан соғысындағы Жеңістің 72 жылдығымен құттықтап, тілектер айтты. Жиынымызда Қасым Қайсенов, Талғат Бигельдинов, Нүркен Әбдіров, Мәлік Ғабдуллин, Иван Панфилов, Мәншүк Мәметова, Әлия Молдағұлова, Бауыржан Момышұлы, Төлеген Тоқтаров, Рақымжан Қошқарбаев сияқты аты аңызға айналған ағаларымыз бен апаларымызды еске алып бәрі 1 минут үнсіз тұрды. 7 сынып оқушысы Аманова Эльнура «Әлия» әнін орындады. Оқушылар Жеңіс күніне арнап тақпақтар айтса, 8,10 сынып оқушылары көрініс көрсетіп және 9 сынып оқушылары «Катюша» әніне би биледі. Жиында мектебіміздің Жас инспекторлар жасағы сапта жүріп өтті.

 8 мамыр күні мектеп оқушылары Ұлы Отан соғысының ардагерлеріне арналған ескерткішке гүл шоқтарын қою рәсімдерін ұйымдастырды.