«Ана – өмірдің шырағы» атты мектепішілік «Жайдарман Fest»

Мұхтар Әуезов атындағы жалпы орта білім беретін мектеп – лицейінде 26 ақпан күні «Ана – өмірдің шырағы!» атты мектепішілік «Жайдарман Fest» байқауы өткізілді. Шараның негізгі мақсаты – оқушылардың шығармашылық қабілеттерін дамыту, сахна мәдениетін қалыптастыру, анаға деген құрмет пен сүйіспеншілікті арттыру, сондай-ақ достық пен ұйымшылдықты нығайту болды.

Байқауға 8-9-10 сыныптардан құралған командалар қатысып, өз өнерлерін ортаға салды. Қатысушылар ана тақырыбында әзіл-қалжыңға құрылған көріністер қойып, тапқырлықтары мен актерлік шеберліктерін көрсетті. Командалар таныстыру, сәлемдесу , үй тапсырмасы кезеңдері бойынша сынға түсті.

Әділқазылар алқасы әр команданың сахнада өзін ұстауы, әзіл сапасы, тақырыпты ашуы және шығармашылық жаңашылдығы бойынша бағалау жүргізді. Мектеп басшысы Н.Сейсенбаевна қорытындысы бойынша үздік командаларды марапаттап, алғыс хаттармен табыстады. Білімалушыларға әзіл-қалжыңмен бірге достық болуын ескертті.

Шара жоғары деңгейде ұйымдастырылып, көрермендерге көтеріңкі көңіл күй сыйлады. «Ана – өмірдің шырағы!» атты «Жайдарман Fest» байқауы оқушылардың өнерін шыңдап, анаға деген құрметті дәріптеген тәрбиелік мәні зор іс-шара болды.