«Құмар ойындары – тәуелділік қақпаны»

Бүгін мектебімізде бастауыш сынып жетекшілері ата-аналарға арналған педагогикалық сабақ жүргізді.

Сабақтың мақсаты:

Ата-аналарға құмар ойындардың психологиялық, әлеуметтік және қаржылық зияны туралы түсінік беру, тәуелділіктің алдын алу жолдарын үйрету және балаға қолдау көрсету дағдыларын қалыптастыру.

Өзектілігі: Қазіргі таңда интернеттің кең таралуына байланысты жасөспірімдер арасында онлайн-казино, спорттық бәс тігу, түрлі ойын платформаларына тәуелділік қаупі артып отыр. Қазақстанда құмар ойындар қызметін реттеу Қазақстан Республикасының Туризм және спорт министрлігі және басқа да мемлекеттік органдар тарапынан бақылауға алынғанымен, отбасы тәрбиесі – алдын алудың ең маңызды тетігі.

Сонымен бірге ата-аналарға алдағы мерекелерге байланысты ешқандай ақша жиналмауы керек жайында түсіндіріліп өткізілді. Ақша жинау деректері анықталғанда мектеп әкімшілігіне ескерту керек екендігі ескертілді.

Міндеттері:

Құмар ойындардың түрлері мен белгілерін түсіндіру;

Тәуелділіктің психологиялық механизмдерін ашу;

Бала мінез-құлқындағы қауіпті белгілерді анықтау жолдарын көрсету;

Ата-аналарға тиімді қарым-қатынас және бақылау тәсілдерін ұсыну;

Қажет болған жағдайда мамандар көмегіне жүгіну жолдарын таныстыру.

Күтілетін нәтиже:

Сабақ соңында ата-аналар:

Құмар ойындарға тәуелділіктің алғашқы белгілерін тани алады;

Баламен сенімді диалог құру әдістерін меңгереді;

Алдын алу шараларын ұйымдастыра алады;

Қиын жағдайда кәсіби көмекке жүгінудің маңызын түсінеді.

Сабақ форматы:

Дәріс, пікірталас, жағдаяттық тапсырмалар, бейнематериал талдау, сұрақ-жауап бөлімі.

Қорытынды:

Құмар ойындар – уақытша қызығушылықтан басталып, ауыр тәуелділікке әкелетін қауіпті құбылыс. Оның алдын алуда ата-ананың рөлі ерекше. Балаға мейірім мен бақылауды қатар ұсыну – тәуелділіктің алдын алудың тиімді жолы.