"Желтоқсан - Тәуелсіздік бастауы" тақырыбында кездесу

Бүгін, Владимир Савва атындағы жалпы білім беретін мектеп-лицейінде "Желтоқсан - Тәуелсіздік бастауы" тақырыбында үлкен кездесу өткізілді. Кездесуге Алматы қаласынан  желтоқсан көтерілісіне қатысқан қонақтар келді. Олар: Қарабаев Шора Халықұлы  әлеуметтану ғылымының маманы, желтоқсан ардагері; Сейтімбет Үсіпхан Әбдікерімұлы- Мұхтар Әуезов атындағы ұлттық драма театрының актері, желтоқсан ардагері; Толымбек Жортулы Байжүнісұлы- Алматы мемлекеттік құрылыс техникалық колледжінің оқытушысы, желтоқсан ардагері және ауданымыздағы желтоқсан көтерілісіне қатысқан қыз- келіншектер Шинасилова Жанар, Молдағұлова Раушан, Жанышова Гүлмира,  Жантаева Ләйлә және жетекшісі Жуанышова Эльмира қонақта болды. Қонақтар Желтоқсан көтерілісінің себептерін, сол кездегі алаңға шыққан жастардың қайраттылығын, ұлтымызға жағылған жаланы ашына айтып, өздерінің,  сол кездегі жастардың басынан кешкен оқиғаларымен бөлісті. Абақтыда отырып, қасиетті қара домбырасымен жырлаған "Еділмен-Жайық" әнін орындағандарын, талай үйсіз - күйсіз жүрген қазақ  жастарының күйін,  оқудан, жұмыстан қудаланаған тағы да Қазақ азаматтарының өмірлерімен бөлісті. Қонақтар, оқушылар дайындаған ән- биді тамашалап,  мектеп басшысы Б.Қыстауовқа "Алматы. 1986 Желтоқсан" атты кітапты тарту етті..Желтоқсан оқиғасына 35 жыл. Бұл- үлкен мереке. Тәуелсіздігімізге ашылған сара жол....Тәрбиелік мәні бар осындай іс-шарадан оқушылардың алары көп.