1-желтоқсан Тұңғыш Президент күніне орай өткізілген іс-шаралар Анықтамасы

№9 В.А.Савва атындағы орта мектебінде 1-желтоқсан Тұңғыш Президент күніне орай өткізілген іс-шаралар Анықтамасы

Тәуелсіздігімізді алғаннан соң халықтың басын біріктіріп Н.Ә.Назарбаев тұңғыш елбасы болды. Елбасының бастауымен біздің Отанымыз әлемге танылды. Елім елдігін көрсетті, ерлігін танытты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар-намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді. 1991 жыл 1 желтоқсанда  Қазақстан Республикасының тұңғыш Президенті болып Н. Ә. Назарбаев сайланды. Міне сол жылдан бері Қазақстанның Президенті болып, елімізді көркейтіп, бүкіл дүние жүзіне қазақстан елін таныты десе болады. Осыған орай мектебімізде «Елбасы күні – елдікке құрмет» тақырыбында апталықтың іс-шаралар жоспары құрылып, бекітілді. 

30 қараша күні 1 – желтоқсан Тұңғыш Президент күніне орай салтанатты жиын өткізілді. Салтанатты жиын Мемлекеттік Гимнмен ашылып, Елбасының тарихы туралы қысқаша мәліметтер берілді. Сонымен қатар, 2 сыныптың ең жас, ең ақылды, ең талантты деген оқушыларын  өз еріктерімен  «Жас Қыран» ұйымына қабылдады. «Жас қыран» ұйымына қабылдау  рәсімі мектебіміздің директоры мен мектеп әкімшілігі, мектеп ұстаздарына берілді. Жас Қыранға қабылданған оқушылар салтанатты түрде уәде беріп, өздерінің тақпақтарын айтты. Мектебіміздің директоры Қыстауов Болатбек Тәңірбергенұлы  1 желтоқсан Тұңғыш Президент күні мен Жас Қыран ұйымына қабылданған оқушыларды құттықтады.  Сонымен бірге, оқушылардың дайындаған ән, би орындалды. 

1-11 сыныптар «Елі сүйген, елін сүйген Елбасы», «Қазақтың тұңғыш Президенті-қазағымның мақтанышы», «Елбасы-тәуелсіздігімнің тірегі» тақырыптарында бірыңғай сынып сағаттарын өткізді. Мемлекет басшысы Н.Ә.Назарбаевтың «Болашаққа көзқарас: Қоғамдық сананы жаңғырту» мақаласын іске асыру мақсатында екі тілде «Болашаққа бағдар» және «Взгляд в будущее» атты видеофильмдер көрсетілді. Мектеп кітапханасында «Ұлт көшбасшысы- Елбасы» тақырыбында көрме ұйымдастырылды. 9-11 сынып оқушылар арасында «Елбасы ел тірегі, ел сенімі» тақырыбында зияткерлік ойын өткізілді. «Елбасымыз кемеңгер, көші түзу кемел ел» тақырыбында жоғары сынып оқушылары арасында үздік мақала байқауы ұйымдастырылды.