«Ұлы Дала Өркениеті » байқауы

«Ұлы Дала Өркениеті » байқауы

Қазан айының 20-і күні Владимир Савва атындағы № 9 жалпы орта білім беретін мектеп-лицейінде  «Жамбыл облысы жастар ұйымдарының Қауымдастығы» заңды тұлғалар бірлестігі ұйымдастырып отырған  «Ұлы Дала Өркениеттері » байқауы аясында  «Талант –табиғаттан,талап-өзіңнен» тақырыбында жерлесіміз Кенен Әзірбаев атындағы Жамбыл облысы филармониясының әншісі, Қазақстан Республикасының мәдениет саласының үздігі,әрі көптеген өнер байқауларының жүлдегері Азаматова Оңал Бұқаралықызымен кездесу өткізілді.Кездесу барысында Оңал  Азаматова бойына дарыған өнер анасының ақ сүтімен берілгендігін айтып өтті. «Кел, ағайын Меркіге» әнінің шығу тарыхына шолу жасап, осы әннің бейнебаяны жайында баяндады.Оңал Азаматова  өнер жолында 30 жылдан аса аянбай  еңбек етіп, қалың көпшіліктің жүрегіне жол тапқан талант иесі.Әңгіме барысында өзінің өнер жолында «Мирас» атты тобын құрып,көптеген шәкірт  тәрбиелеп, «Ұстаздан шәкірт озады» демекші  өзінен асып түскен шәкірттерінің бар екендігі  туралы сыр шертті. Кездесу соңында Оңал Азаматова қонақ кәде ретінде өзінің сүйікті әнін орындап тарту етті.Қазақстанның болашағы жастардың қолында дей отыра,қонағымыз мектеп оқушыларына өзінің ізгі тілегін айтты.Оңал Азаматова Республикалық «Шырқа дауысым» ән байқауының, Қызылорда қаласында өткен «Базар жырау» атындағы термешілер байқауының, 3-ші Республикалық Ә.Қашаубаев атындағы «Әнші дауысы» , Кенен Әзірбаев атындағы ән байқауының бірнеше дүркін жеңімпазы.Сондай-ақ шет мемлекеттер ұйымдастырған фестивальдер мен ән байқауларының лауреаты