«Ұлы Дала Өркениеті » байқауы

«Ұлы Дала Өркениеті » байқауы

Қазан айының 12-і күні Владимир Савва атындағы № 9 жалпы орта білім беретін мектеп-лицейінде  «Жамбыл облысы жастар ұйымдарының Қауымдастығы» заңды тұлғалар бірлестігі ұйымдастырып отырған  «Ұлы Дала Өркениеттері » байқауы аясында  «Жетістіктер тарихы» тақырыбында,жерлесіміз филология ғылымдарының докторы,профессор Қазақстан Жазушылар Одағы мен Қазақстан Журналистер Одағының мүшесі Омашев Намазалы Омашұлымен кездесу өткізілді.Кездесу мақсаты- аға буын мен жасөспірімдердің арасында ұрпақтар сабақтастығын жалғастыру,адамгершілік құндылықтарды қалыптастыру,сондай-ақ жастарды өз халқының мәдениетіне,халық шығармашылығына жанашыр болуға тарту.Кездесу барысында Намазалы Омашұлы жетістікке жету жолындағы қажырлы еңбектің қыр-сырымен бөлісті.Намазалы Омашұлы өмір жолында үш үлкен қазақ,орыс,шетел мектебінен өткендігі жайлы баяндап,жинаған іс-тәжірибесінің арқасында толағай табыстарға жеткендігі туралы ой бөлісті.Адамға жетістікке жету үшін қайсар мінез,асқақ арман,берік мақсат,ұшқыр ой,таудай талап қажет екендігін алға тартты. Кездесу соңында мектеп директоры Кыстауов Болатбек Тәңірбергенұлы Намазалы Омашұлына алғысын айтып,ізгі – тілек білдірді.Кездесу жас ұрпақтың бойына сенім ұялатып,болашақта адами тұлға болып қалыптасып,жетістікке жетуіне бағыт –бағдар берді.