ҚРБжҒ министрінің 2020 жылғы 12 желтоқсандағы ✓548 шығыс хатын, Қазақстан Республикасының Бас мемлекеттік санитариялық дәрігерінің 2020 жылғы 25 желтоқсандағы ✓68 қаулысын негізге ала отырып, # 9 ЖББМЛ-де аралас немесе штаттық режимге біртіндеп ауысу

ҚРБжҒ министрінің 2020 жылғы 12 желтоқсандағы ✓548 шығыс хатын, Қазақстан Республикасының Бас мемлекеттік санитариялық дәрігерінің 2020 жылғы 25 желтоқсандағы ✓68 қаулысын негізге ала отырып, # 9 ЖББМЛ-де аралас немесе штаттық режимге біртіндеп ауысу жүзеге асырылды.
Ата-аналардың өтініші негізінде ІІІ тоқсанда 5, 9,11 сынып оқушыларына мектепке оралуына рұқсат етілді.
Оқушылар бағдарламаның 70%-ын дәстүрлі режимде және қалған 30%-ын қашықтан оқиды.
Педагогтардың ұсынысы және ата-аналардың сұранысы бойынша, сабақтан тыс оқушылардың білім деңгейін ескере отырып, 5 оқушыдан аспайтын жеке консультациялық топтар құрылды. 9,11-сынып 196 оқушы І ауысымда және 5-сынып 147 оқушы ІІ ауысымда оқиды. Айта кетсек, үшінші тоқсан 2021 жылдың 11 қаңтарында басталып, 20 наурызда аяқталады.
Оқуды ұйымдастыру үшін барлық санитариялық талаптар қатаң түрде сақталуда.
1. Басталу және аяқталу уақытын көрсете отырып, сабақ кестесі жасалынды.
2. Ауысымдар ұлғайтылды.
3. Әр сынып белгілі бір оқу кабинетінде оқиды.
4. Мектепке кіре берісте медицина қызметкерлері оқушылар мен педагогтардың температурасын күнделікті өлшейді.
5. Кабинеттерді желдету, кварцтау, қолды жиі жуу, антисептиктерді қолдану.
6. Кабинеттерді дәліздерді ылғалды жуу;
7. Аяқ киімге арналған дезинфекциялық кілемшелер болуы міндеттелді.
Оқушылардан мектеп формасын кию талап етілмейді.
Владимир Савва атындағы ✓9жалпы білім беретін мектеп-лицейінің директоры Қыстауов Б. Т.