«Жиынтық бағалаудың нәтижесін талдау. Рубрика мен модерация»

«Жиынтық бағалаудың нәтижесін талдау. Рубрика мен модерация»-тақырыбындағы аудандық вебинар-практикум өткізілді.

2021 жылдың 18-наурызында аудандық білім бөлімінің ұйымдастыруымен Владимир Савва атындағы №9 жалпы орта білім беретін мектеп-лицейінің базасында жас мамандарға әдістемелік көмек беру мақсатында  «Жиынтық бағалаудың нәтижесін талдау. Рубрика мен модерация»-тақырыбында аудандық семинар-практикум өткізілді.

Вебинарға аудан мектептерінің 38 жас маман қатысты. Вебинар барысында аудандық білім бөлімінің әдіскері Ж.Б. Байтулекова және мектеп-лицей директоры Б.Т. Қыстауов алғы сөз айтып, қатысушыларды вебинардың күн тәртібімен таныстырып өтті. 

«Жиынтық бағалау нәтижесін талдау»-тақырыбы бойынша директордың оқу ісі жөніндегі орынбасары Д.Т. Жазбакова жиынтық бағалаудың дұрыс жүргізілуімен таныстырып, жиынтық бағалау нәтижесін талдау жұмыстарының үлгілерімен таныстырды. «Рубрика-описание уровня учебных достижений учащихся»-тақырыбында директордың ғылыми-әдістемелік ісі жөніндегі орынбасары С.М. Сейсенбаева ата-аналарға балаларының оқу жетістіктерінің нәтижесімен таныстыру үшін берілетін рубрика үлгісімен таныстырды. Жиынтық бағалаудан кейін берілетін рубриканың берудің әдістеріне тоқталды.

«Модерацияның жүргізілу үдерісі»-тақырыбында директордың оқу ісі жөніндегі орынбасары І.С. Жүнісжанов модерация жұмыстарының жүргізілу тәртібімен, модерация отырысында мүшелерінің іс-әрекетімен таныстырды. Сонымен қатар жаратылыстану-математика бағытындағы биология пәні мұғалімдері модерацияға ұсынылған жұмыстарды іс-тіжірибе жүзінде көрсетті.

Іс-тәжірибемен бөлісу барысында жас мамандар тарапынан қойылған сұрақтарға толық жауап берілді.

Аудан әдіскері Ж.Б. Байтулекова вебинар-практикумды қорытындылап жас мамандар жұмысына сәттілік тіледі.