«Жаратылыстану-математикалық бағыттағы пәндерді үш тілде оқытудағы іс-тәжірибе»-тақырыбында аудандық семинар-практикум

2021 жылдың 30-наурызында аудандық білім бөлімінің ұйымдастыруымен Владимир Савва атындағы №9 жалпы орта білім беретін мектеп-лицейінің базасында үш тілде білім беретін пән мұғалімдеріне әдістемелік көмек беру мақсатында  «Жаратылыстану-математикалық бағыттағы пәндерді үш тілде оқытудағы іс-тәжірибе»-тақырыбында аудандық семинар-практикум өткізілді.

Вебинарға аудан мектептерінің 98 пән мұғалімі қатысты. Вебинар барысында аудандық білім бөлімінің әдіскері С.К. Қалдыбай және мектеп-лицей директоры Б.Т. Қыстауов алғы сөз айтып, қатысушыларды вебинардың күн тәртібімен таныстырып өтті. 

«Сабақ мақсатын қою: SMART»-тақырыбы бойынша директордың оқу ісі жөніндегі орынбасары І.С. Жүнісжанов үш тілде білім беру бойынша оқу мақсаттарына сәйкес сабақ  мақсаттарын дұрыс қою бойынша іс-тәжірибемен бөлісті. 

Осыдан кейін пән мұғалімдері панорамалық сабақтар және іс-тәжірибемен бөлісті.

Іс-тәжірибемен бөлісу барысында үш тілде білім беретін пән мұғалімдері тарапынан қойылған сұрақтарға толық жауап берілді.

Аудан әдіскері С.К. Қалдыбай вебинар-практикумды қорытындылап үш тілде білім беретін пән мұғалімдері жұмысына сәттілік тіледі.