Мектеп кітапханасы – білім беру үдерісінің инновациялық алаңы

Мектеп кітапханасы – білім беру үдерісінің инновациялық алаңы.
Владимир Савва атындағы №9 жалпы білім беретін мектеп-лицейінде аудан мектеп кітапханашылары арасында семинар-практикум өткізілді. Семинар-практикум мақсаты – мектеп кітапханашыларының кәсіби біліктілігін жетілдіру, заманауи оқырман талабына сай кітапхана қызметін тиімді ұйымдастыру; кітапхана ісін қалың оқырман арасына жарнамалау, оқырмандар санын көбейту, жаңартылған білім беру жағдайында мектеп кітапханаларына жаңаша тәсілдерді бағдарлау. Қатысушылар: аудан мектептерінің кітапханашылары. Семинар-практикумның ашылу салтанатында №9ЖББМЛ директоры Б.Қыстауов пен Меркі ауданы әкімдігі білім бөлімінің әдіскері Г.Ізбасарова құттықтау сөздерін айтып, алдағы іс-шара бағдарламасымен таныстырды. №9 ЖББМЛ кітапханашылары «Абай мұрасы-ұрпаққа ұлағат» тақырыбында іс-шара өткізді.
Аталмыш шара қатысушылар үшін тағылымды және тың жаңалықтарға толы болды.