№9 В.А.Савва атындағы орта мектебінде өткізілген «Кітап –

       заманымыздың өмірі» атты акцияның 

   Хабарламасы

 

 

 Мектебімізде 2017 жылдың 4 қазанында «Кітап – заманымыздың өмірі» тақырыбында акция өткізілді. Акцияға мектеп директоры Б.Т.Қыстауов пен аудандық білім бөлімінің оқулықтар бойынша әдіскері Г.А.Ізбасарова және аудан мектептерінің кітапханашылары қатысты. Акцияда  мектебіміздің директоры Б.Т.Қыстауов  кітапханашыларды акцияның ашылуымен құттықтап, мектебімізде іс – шаралардың жоғары деңгейде өткізіліп жатқанын айтып өтті. Атап айтсақ, «100 кітап», «Кітапты сыйға тарт», т.б. Сонымен қатар, аудандық білім бөлімінің әдіскері Г.А.Ізбасароваға сөз бірілді. Ол өз сөзінде кітапханашылардың Елбасымыз Н.Ә.Назарбевтың рухани жаңғыру бағдарламасын жүзеге асыру мақсатында жүйелі жұмыстар жүргізіп жатқанын атап айтты.  

№13 М.Мәметова атындағы орта  мектебінің кітапханашысы Ә.Бейсенкулова «Кітап – заманымыздың көркі» тақырыбында баяндама оқыды. Ол өз баяндамасын Абай атамыздың «Артық білім кітапта, ерінбей оқып көруге» деген сөзінен бастады. Яғни, барлық адам үшін кітап- рухани азық. Оның барлық қауымға тигізер пайдасы өте мол. 

   

 

№20 орта мектебінің кітапханшысы М. Насибуллина  Елбасымыздың негізгі модернизацияның жобасымен таныстырды. Яғни,  «Жаңа гуманитарлық білім»,  « Қазақ тіліндегі 100 жаңа кітап», «Туған жер», т.б. Қазіргі таңда әлем ақпараттық технологияның көмегімен дамуда. Біз Қазақстандықтар үшін, ең маңыздысы  өзіміздің мәдениетімізді сақтау. Осыған орай,  кітапханашылар кітаптарды жарнамалау арқылы Елбасымыздың  құндылық идеяларын іске асырады. 

 

 

Акция барысында № 21 орта мектебінің кітапханашысы Л.Н.Говорухина аудандық мектептерде өткізілген іс – шаралардың презентацияларымен таныстырып өтті. Акция соңында кітапханашылар және аудандық білім бөлімінің әдіскері Г.А.Ізбасарова өздерімен алып келген кітаптарын біздің мектебімізге сыйға тартты.