Мектебіміздің жылыжайы

Бүгін, 27 қыркүйек күні  Владимир Савва атындағы №9 жалпы орта білім беретін мектеп-лицейінде 2001 жылғы бітірген алғашқы қазақ сынып қарлығаштарының сыйға тартқан жылыжайы  іске қосылды. Жылыжайға   мектебіміздің шығармашыл ұстаздары, биология пәнінің мұғалімдері және мектеп әкімшілігі алғашқы көшеттерді отырғызуды бастады. Жылыжайға Шымкент қаласынан 700 дана қияр көшетін алдыртып, отырғызылды. Жылыжайдың ішіне жылу батареялары орнатылып, тоқ көзін үнемдейтін жарық шамдар қондырылған. Орталықтандырылған жүйеден су құбыры тартылып, барлық жағдай жасалған.  Енді оқушылар қияр өсіріп, баптап, бос уақытында қиярдың күтімімен айналыса алады. 
Жылыжайға кіру 9 сынып оқушыларына және биология пәні мұғалімдеріне рұқсат етілді. Олар сабақтан тыс кезекшілікпен бақшаны суғаратын болады. Тұқым бой көтерген соң, түптеп, арам шөптен тазалау да міндеттеріне кіреді. Еңбек пен ермек. Екеуін ұштастырған оқушылардың қоғамға көп пайдасы тиетіні сөзсіз...