"Артық ғылым кітапта, ерінбей оқып көруге"

Бүгін, 5.11 күні Владимир Савва атындағы жалпы білім беретін мектеп-лицейінде Рухани жаңғыру бағдарламасы бойынша 100 кітап жобасы аясында "Кітап оқып, ұтып ал!" байқауы өткізілді. "Артық ғылым кітапта, ерінбей оқып көруге" деп Абай Құнанбайұлы айтқандай, балалардың ой санасына, сөз саптауына, кітап - өмір азығы екені белгілі.
Байқау мектеп жоспарына сәйкес, оқушылардың қазақ әдебиетінің, әлем классикасының алтын қорындағы аса құнды шығармаларды оқыту, сол туындылардың рухани маңыздылығын жеткізу мақсатында ұйымдастырылды. Байқау екі кезеңде өткізілді. Алғашқы кезеңге 168 оқушы қатысып, оның қорытындысы бойынша 23 оқушы екінші кезеңге жолдама алды. Іс шараға мектеп директоры Б.Қыстауов, мектеп әкімшілігі, мектептің шығармашыл ұстаздары, сондай-ақ, ата - аналар қоғамдық кеңесінің төрайымы М.Рыжова, мүшесі Айтмұханбетова Фарида төрелік етуге атсалысты. Нәтижесінде "Бас жүлдеге" ие болған 10- сынып оқушысы Әкімхан Ақпейіл, 1- орын Әсілбек Жанеля, 2-орынды Кеңесбай Назира мен Федорова Сузанна, 3- орынды Мейрамбай Нұраман жеңіп алса, Аманжолава Ақжүніс, Османов Аслан, Ербол Сымбат, Шонаева Үміт сынды оқушылар,алғыс хатпен марапатталды.
Байқауға "Туған жерге туыңды тік!" бағдарламасы аясында мектебіміздің демеуші ата-аналарының бағалы сыйлықтары ұсынылды. Бас жүлдеге "Велосипед" тігілді.Осындай іс-шара балалардың кітап оқуға деген қызығушылығын арттыратыны сөзсіз.