"Үйренейік, ізденейік жас маман!" атты онкүндік

"Үйренейік, ізденейік жас маман!" атты онкүндік аясында мектебіміздің кітапханасында қазақ тілі мен әдебиеті пәні мұғалімі- А.С. Мухтанова және ағылшын тілі пәні мұғалімі- Б. Малхарбекқызы 8- сынып оқушыларының қатысуымен ұлы жазушы, ХХ ғасырдың заңғар биігі - Мұхтар Әуезовке арналған сыныптан тыс іс-шара өткізілді.

 Іс-шараның мақсаты: оқушыларға Мұхтар Әуезовтің өмір жолы мен жазушылық қызметінен, шығармашылығынан мағлұмат беру. Жазушының әлемдік мәдениетке қосқан үлесі туралы оқушылардың білімдерін жүйелеу.

Іс-шара барысында оқушылар жазушының өмірбаяны, шығармашылығы туралы ұсынылған бейнематериалдарды, тарихи қолжазбаларды тамашалай отырып мол мағлұматтар алды. 

М.Әуезовтің  Абайды әлемге танытқандығын, ал Абай арқылы өзінің әлемге танылғандығын естен шығармағанымыз абзал. Келешек жастарға ұлы тұлғаларымызды насихаттау, таныту арқылы елімізді әлемге танытамыз, қазақ халқынын ұлылығын мойындатамыз. Кемеңгер, ұлы жазушының осындай мерейтойын тұтас ел болып, мемлекеттік деңгейде атап өтіп жатқандығымыз, біз үшін, әдебиет пен өнерді жанына серік еткен бүгінгі жас ұрпақ үшін маңызы ерекше екендігі түсіндірілді.