Қазақстан халқы тілдері күні мерекесі

М.Әуезов атындағы жалпы орта білім беретін мектеп лицейінде  9 қыркүйек  күні Қазақстан халқы тілдері күні мерекесі мен Ұлт ұстазы – Ахмет Байтұрсынұлының дүниеге келген күніне орай өткізілетін онкүндіктің іс-шаралар жоспарына   сай қоғам қайраткері, ақын, қазақтың тұңғыш әдебиет теоритигі, лингвист,аудармашы, публицист, ағартушы- ғалым А.Байтұрсыновтың 150 жылдығына орай  8-сыныптар арасында «Қырық мысал»бағыты бойынша мысал өлеңдерін жатқа айту байқауы өтті. Байқауға барлығы 15 оқушы қатысып,3 мысалын  мәнерлеп жатқа айтып,өнерлерін ортаға салды. Байқау барысында оқушылардың жатқа айту мәнері, сахнада өзін ұстау мәдениеті,  өлең оқу мәнері ескерілді. «Жүйріктен жүйрік озар жарысқанда» дегендей, нәтижесінде 1- орынды Жақсылық Қарақат иеленсе, 2 – орынды Өркенқызы  Құралай мен Жайлаубек Мөлдір, 3-орындарды  Елубай Есімхан, Әзімхан Балнұр, Кенжебек Мирас иеленді.