«Жас Қыран» ұйымына 2 сынып оқушыларының белсенді оқушыларын қабылдау

27 қазан мектебімізде Республика күніне орай  «Жас Қыран» ұйымына 2 сынып оқушыларының белсенді оқушыларын қабылдау салтанаты өтті. Жас Қыран ұйымына 2 сыныптың 170 оқушысы  қабылданды. Және өздерінің Отан, Қазақстан, Туған жер туралы өлеңдерін мәнерлеп оқып,  салтанатты түрде ант қабылдады. Жас қыран ұйымының мақсаты: өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру болып табылады.

«Жас Қыран» мүшелері міндетті:

- Қазақстан Республикасының мемлекеттік рәміздерін сыйлау (Ту, Елтаңба, Әнұран), өз елінің патриоты болу;

- «Жас Қыран» Ережесін және  басқару органдарының шешімін орындау;

-«Жас Қыран» өзге мүшелері мен олардың құқықтарын құрметтеу, мойындау;

- оқуда, қоғамдық жұмыстарда, еңбекте үлгілі болу; қоғамдық мүлікті сақтау, мәдениетті болу; 

- салауатты өмір салтын ұстану, оны өз құрдастары арасында насихаттау;

- үлкенге құрмет, кішіге ізет көрсету.