Мектеп жанындағы жылыжай өз жұмысын жалғастыруда

2023 жылдың 02 ақпанында Мұхтар Әуезов атындағы жалпы орта білім беретін мектеп- лицей іргесіндегі жылыжайға 1000 дана құлпынай көшеті отырғызылды. Көшеттің алғашқы легін мектеп директоры Б.Т.Қыстауовпен бірге аудандық білім бөлімінің әдіскерлері А.Қ.Сақыбай, Д.С.Асқар және мектеп әкімшілігі, ұстаздар қауымы мен оқушылар отырғызды. Оқушылар бос уақытын тиімді пайдалану мақсатында, отырғызылған құлпынайларды суарып, күтіп- баптайтын болады. Бұл ауқымды жұмыс “Экоклуб” ұйымы мен “Жас натуралист” үйірмесі аясында жүзеге асырылуда. 
Жылыжайдағы жұмыстарыңызға сәттілік тілей отырып, отырғызылған көшет өнімі мол болсын демекпіз!