«Сұлтан Бейбарыс – Ұлы дала барысы»

Мектебімізде 22 ақпан күні «Сұлтан Бейбарыс – Ұлы дала барысы»

 тақырыбында белгілі тұлғаның өмір жолы, әскери өнері мен еселі еңбектерін келер ұрпаққа насихаттау мақсатында – көрнекті билеуші және мемлекет қайраткерінің 800 жылдық мерейтойына арналған 8-11 сынып арасында тарих пәні мұғалімдерінің ұйымдастыруымен дөңгелек үстел өткізілді. 

Мақсаты: Оқушыларға көрнекті билеуші, мемлекет қайраткері, қолбасшы туралы жан - жақты түсінік қалыптастыру, кемеңгер тұлғаның мемлекетке және халқына сіңірген еңбегін, ерлігін, қажырлы жүргізген саясатын үлгі ету, оқушылар бойына халқымыздың құндылықтарын сіңіріп тәрбиелеу болып табылады.

Сұлтан Бейбарыс–қарапайым құлдан мемлекет билеушісіне дейін көтерілген қайраткер екі елге ортақ болған тұлға. Оның ерлігі, әскери өнері мен терең ойшылдығы ұрпақтар үшін Отансүйгіштіктің, тектіліктің және Отанға жанқиярлықпен қызмет етудің ұлы үлгісіне айналды. Осындай құрметке бөлеп кеткен батырды ұлықтап, аруағы алдында бас июге тиіспіз. Халқының қадірін білген, елі мен жерін сүйген, сол үшін ғұмыр сүрген адам халық жадында мәңгі қалады.