«Табысты мектеп-тәжірибеден нәтижеге»

«Табысты мектеп-тәжірибеден нәтижеге»

тақырыбында іс-тәжірибе алмасу.

2023 жылдың 28 сәуір күні Мұхтар Әуезов атындағы жалпы орта білім беретін мектеп-лицейінде Түркістан облысы Жетісай ауданының білім бөлімінің әдіскерлері, мектеп директорлары, педагогтарымен іс-тәжірибе алмасу мақсатында «Табысты мектеп-тәжірибеден нәтижеге» тақырыбында семинар өткізілді. 

Семинардың мақсаты: педагогикалық ұжымның оқу-тәрбие жұмысы процесінде заманауи әдіс-тәсілдерімен тәжірибе алмасу.

Аталған іс-шара барысында, қатысушылар «Жаратылыстану-ғылыми академиясы» жобасы аясында, оқушылардың дайындаған тәжірибелерімен және «Қоқысты өңдеу», «Тиімді жылыжай» экологиялық жоба жұмыстарымен танысты. 

Мұхтар Омарханұлы Әуезовтің 125 жылдық мерейтойына орай 2022 жылдың 28 желтоқсанында ұлы жазушы есімі берілген мектеп-лицейімізде ұлы тұлғаға арнап ашылған  кабинетпен танысып, өз ой-пікірлерімен бөлісті. 

Сонымен қатар, аудандық білім бөлімінің басшысы А.Алтынбаева Меркі ауданының білім беру ұйымдарының жұмыс бағыттарымен таныстырып, жетістіктеріне тоқталып өтсе, Мұхтар Әуезов атындағы жалпы орта білім беретін мектеп-лицейінің директоры Қыстауов Болатбек Тәңірбергенұлы «Табысты мектеп-тәжірибеден нәтижеге» тақырыбында табысқа жетудегі өзінің іс-тәжірибесімен бөлісті. Келесі кезекте қонақтарымыз мектеп жанындағы «Жылыжай» жобасы бойынша Калифорниялық шылаушындары өндірген «биогумус» тыңайтқыштарын пайдалану арқылы құлпынай өсіру технологиясымен танысып және Т.Рысқұлов атындағы мұражайға саяхат жасады.

Жалпы, тәжірибе алмасу семинарына келген қатысушылар, қонақтар өз ойларын ортаға салып, мектеп ұжымы жұмысына сәттілік тіледі.