«Болашақ жастардікі» тақырыбындағы аттестат тапсыру рәсімі өткізілді.

Мектеп-лицейімізді бітіріп жатқан әрбір жас түлектің орны біз үшін өзгеше. Себебі, жыл сайын мектебімізде аяқтайтын жас түлектер өздерінің білімдерімен, сонымен қатар, жетістіктерімен ерекшеленеді. Биылғы жас түлектерде дәстүрден аттамай, өздерінің білімдерін соңғы жылда да дәлелдеп өтті. Нақтырақ айтсам, мемлекеттік емтиханның қорытындысы бойынша түлегіміз 11 «А» сынып оқушысы Жақсылық Диана «Алтын белгі» иегері, 8 оқушымыз –«Үздік аттестат» иегерлері атанып отыр. Бұл ұстаздар мен ата - аналардың ынтымақтастығының арқасында жеткен нәтижеге толы жұмыс.
Жүректері лүпілдеп, “Өмір” атты мектептің тағы да бір кезеңінен өтіп, келесі кезеңге аяқ басқалы тұрған жас түлектерімізге айтарым, алдағы ұлттық бірыңғай тесттен жоғары балл алып, біздің және ата-аналарыңның артқан үміттерін ақтап, өмірлерің тек жақсылыққа толы болсын дегім келеді.
Ақ жол, ЖАС ТҮЛЕК!