11 сынып түлектерінің аттестат тапсыру рәсімі

Мектебімізде 2022 жылдың 17 маусым күні 11 сынып түлектерінің  аттестат тапсыру рәсімі өткізілді. Рәсім мемлекеттік әнұран мен басталды. Рәсімге ардагер ұстаздарымыз, мектеп әкімшілігі,  ұстаздар, ата – аналар және 11 сынып түлектері қатысты. Мектебіміздің  4 алтын белгі, 8 үздік аттестат иегерлеріне аттестат тапсыру  рәсімі  мектебіміздің  директоры Қыстауов Болатбек Тәңірбергенұлына берілді. 11«А» сынып оқушыларына аттестат тапсыру ардагер ұстаз Азимкуль Рахымбаевнаға берілсе, 11«Ә» сынып оқушыларына  ардагер ұстаз Жадраева Тоқтагулге, 11 «Б» сынып оқушыларына жеке кәсіпкер Серікбаев Серіккалиға, 11 «В» сынып оқушыларына ардагер ұстаз Величко Елена Николаевнаға  берілді. Олар  11 жыл бойы алған білімдерін растайтын  көптен күткен аттестаттарын  қолдарына алып, қуанышты сезімде болды.    Түлектерді мектеп директоры  Б.Қыстауов  құттықтап,  жоғары оқу орындарына түсіп, болашақта жақсы мамандық иесі атануларына тілек білдірді. 11 сынып оқушылары «Кітап сыйла мектепке» акциясын ұйымдастыруды қолға алып, мектепке 30 түрлі кітаптар сыйға тартты. Сонымен қатар «Соңғы вальс», «Школа, школа», «Бір үйдің баласындай» әндерін орындап, Флешмоб биледі.  Рәсім соңында түлектер естелікке суретке түсті.