Владимир Савва атындағы №9 жалпы білім беретін мектеп- лицейінде өткізілген аттестат тапсыру салтанатты рәсімі
Мектебімізде 2018 жылдың 15 маусым күні 11 сынып түлектерінің аттестат тапсыру рәсімі өткізілді. Рәсімге мектеп ұстаздары, ата – аналар және 11 сынып түлектері қатысты. Мектебіміздің 3 алтын белгі , 2 үздік аттестат иегерлеріне аттестат тапсыру рәсімі мектеп директоры Б.Қыстауовқа берілді. 11«а», 11«ә» сынып оқушыларына директордың оқу ісінің орынбасары Д.Жазбақоваға берілсе, 11«б», 11«в» сынып оқушыларына Е.Литвиноваға берілді. Олар 11 жыл бойы алған білімдерін растайтын көптен күткен аттестаттарын қолдарына алып, қуанышты сезімде болды. Түлектерді мектеп директоры Б.Қыстауов құттықтап, алдымызда болатын ҰБТ өте жақсы тапсырып, жоғары оқу орындарына түсіп, болашақта жақсы мамандық иесі атануларына тілек білдірді. 11 сынып оқушылары А.Күзенбаев пен С.Дауыталы «Қош бол, мектеп» әнін орындады. Рәсім соңында түлектер естелікке суретке түсті.
