"Ұлттық құндылық бастауы- ана тәрбиесі"

"Ұлттық құндылық бастауы- ана тәрбиесі"

2023 жылдың 22 қыркүйегінде Мұхтар Әуезов атындағы жалпы орта білім беретін мектеп-лицейінде «Дәстүр мен ғұрып», «Ата-ана, мектеп, қоғам» жобасы аясында, қазақ халқының ұмыт қалған салт-дәстүрін жаңғырту, оны қыз баланың бойына сіңіре отырып, қыз балаға келешекте ана алдында қоғамның, елдің, ұлттың тыныс — тіршілігі барысындағы үлкен жауапкершіліктің тұрғандығын сезіндіру мақсатында «ҰЛТТЫҚ ҚҰНДЫЛЫҚ НЕГІЗІ – АНА ТӘРБИЕСІ» атты кеш ұйымдастырылды. Кештің шымылдығы мектеп-лицейінің директоры Койшиманова Нурила Сейсембаевнаның алғы сөзімен ашылды. 

Кештің қадірлі де қадірменді қонақтары қатарында Меркі ауданының құрметті азаматтары мен Жамбыл облысының құрметті ардагерлері болды. 

Атап айтқанда, Шырын Мамасерікова, Татыкулова Кайнаркул Оспаналықызы, Сиргелбекова Сабыркул Асылбекқызы, Байбосынова Роза Жапаровна, Жуманова Розакүл Жұматайқызы, Анафияева Роза Кульбайқызы, Жазықбаева Ақбөпе Сарсенқызы, Өмірбекова Ашимкуль Өмірбекқызы және ардагер ұстаздар мен жеке кәсіпкерлер болды. Жалпы 24-тен аса келген ардақты апаларымыз қыздарға өздерінің ақыл-кеңестерін айтты. 

Кеш барысында “Береке әжелер” тобы, “Ақбастау” ән-би әжелер тобы өздерінің әндерін айтып, қоңыр үндерімен көрермендердің жүрегін елжіретсе, Меркі колледжінің ұстаздарынан құралған “Замандастар” тобы көненің көзі болып есептелген, қазақтың дәстүрі “Тұсакесер” рәсімін өткізді. Тұсаукесер рәсімі кезінде баланың екі қолынан ұстап, оны жүгірту құрметі мектеп-лицейіміздің дарынды, талантты, талай білім бәйгелерінде жүлделі орын алған оқушыларымыз Кеңесбай Назира мен Иванченко Вероникаға ұсынылды. 

Оқушы қыздарымыздың көз алдында “алтын қоржын” ашылып, қазақтың көне өнері көрініс тапты. Яғни, “Шаш өру”, “Жүн түту”, “Ұршық иіру”.  «Қыз өмірдің қызғалдағы» тақырыбымен Абаева Назира Бектұрсынқызы, Орманкулова Жанар Оманқызы, Қайырходжаева Айнаш Султановна, Нурсеитова Ләззат Есенаманқызы қыздарымызға қазақтың ұлттық тағамдарына шолу жасады. 

Бүгін тарихымыздың жаңғырып, құндылықтарымыздың дәріптеліп, салт-дәстүріміз көрініс тапқан, керемет күн болды! 

Мектебіміздің арулары бүгінгі кештен мол өнеге, үлкен азық, тұшымды тағылым алды деп ойлаймыз. Ұлттық құндылықтарымызды ары қарай дәріптеу сіздердің қолдарыңызда!