«Ғылым және Инновация»

3.11.2023 жылы Мұхтар Әуезов атындағы мектеп лицейінде «Ғылым және Инновация» тақырыбында  магистр мұғалімдердің  ұйымдастыруымен  ғылыми-әдістемелік семинар өткізілді. Семинардың негізгі мақсаты мектеп мұғалімдеріне, жас мамандарға ғылыми  зерттеу жұмыстарының орындалу әдістемесін, заңдылықтарын меңгерту. Ғылыми-педагогикалық зерттеу әдістемесінен ғылыми-зерттеушілік іс-әрекетке бейімдеу. Ғылыми-зерттеу жұмыстарын орындау мәселелері мен ғылыми-практикалық конференциясын ұйымдастыру жолдарын қарастыру. Мектеп-лицейінің перспективалық даму жоспарына өзіндік үлестерін қосу, ықпал жасау болды.

Ғылыми-зерттеу жұмыстарын (ғылыми жоба, авторлық бағдарлама, әдістемелік нұсқау, әдістемелік оқу құралы, ғылыми мақала жазу) орындау мәселелері, зерттеу тақырыптарын таңдау мен жұмыстың өзектілігін ашу жолдары қарастырылды. Олимпиадаларға, ғылыми жобаларға, байқауларға қатысатын мұғалімдер мен оқушыларға  ғылыми бағыт-бағдар берілді. Ғылыммен айналысатын мұғалімдерге сәттілік тілейміз! Ғылым жолындағы жетістіктеріміз көп болсын!