Жүрегім қазақ!

 22.01 күні мектебімізде белгілі спортшылармен "Еліміздің рухын көтерген-спорт саңлақтары" тақырыбында кездесу өткізілді. 

Мақсаты: Ауданымыздағы белгілі спортшылармен бетпе-бет кездесу. Еңбектерімен танысыу .

Бүгінгі кездесуге-еркін күреске ерен еңбек сіңірген,  бірнеше шәкірт тәрбиелеген бапкер, қазіргі таңда зейнеткер: Мехтубаев Жұматай ағай,садақшы, жаттықтырушы, Оңтүстік Кореяда өткен жарыста, әлем чемпионы атағын иеленген -Бадашов Елдос Алмаханбетұлы,  мектебіміздің түлегі, қол күрестен облыстық чемпион атанған Фаихов Афрайм сияқты спортқа жаны құмар ағайлармен кездесу өткізілді. Кездесу барысында қонақтар өз еңбек жолдарын айта келіп, білім алушыларға ата-аналарын, ұстаздарын сыйлауды,  Отанды сүюге шақырды. Жақсы білім алу керектігін, тіл білуді, ерінбей еңбек ету қажет екенін, жақсы мінезді болуға шақырды. Спортпен айналысатын адам, жан-жақты елдің атын шығаратын намысшыл болуды әңгімеледі. Мектеп басшысы Н.Сейсенбаевна қонақтарға үлкен алғысын жеткізіп,  оқушыларға осындай спортшыларды үлгі тұтуға шақырды. Мықты, төзімді, білімді болуға шақырды.