"Спорт саңлақтары ауылдан шығады"

Владимир Савва атындағы жалпы білім беретін мектеп-лицейінде бүгін, 13.02.күні "Спорт саңлақтары ауылдан шығады" тақырыбында кездесу өткізілді. Мақсаты - оқушыларымызды ауданымыздың спортшыларымен жақынырақ таныстыру болатын. Кездесуге қол күрес шеберінің жаттықтырушысы - Садықов Аман Әшірбайұлы шәкірттері: Ұ.Рысқазиева, А.Бакаевамен; бокс шеберінің жаттықтырушысы, ұстаз - Әшкеев Ғани Жексенұлы өзінің ұлы Жексен Бейбарыс Ғаниұлымен, садақ, жамбы ату шебері Бадашев Елдос Әлмаханбетұлы және жеңіл атлетикадан Иванчуков Димитрий сынды танымал спортшыларымыз қонақта болды. Олар өздерінің спортта жеткен жетістіктерімен бөлісіп, оқушыларға талмай еңбек етуді, алдарына дұрыс мақсат қою керек екенін үйретті. Оқушылар өздерінің ойларындағы сұрақтарын қойып, тұщымды жауабын алды. Мектеп басшысы келген қонақтарға алғыс білдіріп, рахмет айтты.