Лагерьдегі бірінші күн!

Лагерьдегі бірінші күн! 

Оқушылардың жазғы демалысын сапалы өткізу мақсатында «Алтын балалық шақ» декадасы аясында 3 маусым күні мектеп жанындағы «Достық» жазғы сауықтыру алаңының ашылу салтанаты мектеп ауласында өткізілді. Алаңға мектеп 1-7 сынып оқушылары және ұстаздар,  ата-аналар қатысты. Барлығы 200 оқушы. Салтанатты жиын мемлекеттік Әнұранмен ашылып, мерекемен мектеп директоры Н.С. Койшиманова  құттықтап, оқушыларды алаңға белсене қатысуларын, бос уақыттарын тиімді пайдалану жолдарын айтты. Салтанатты жиында балалардың сүйікті кейіпкерлері аю, қоян  кейіпкерлерін сомдаған ұстаздар балаларды қызықтырып, ойындар ойнап, сыйлықтар беріп, ән айтқызып, «Флешмоб» биін билетіп, оқушылармен қызықты әсерде естерінде қалатындай ұйымдастыра білді. Үйірме жетекшісі Ж. Өмірқұлова балаларды топқа бөліп, асфальтқа суреттер салғызды. Тақырып: «Туған жер және ғажайып табиғатым!» деп аталды. Ең үздік салған топқа бағалы сыйлықтар ұйымдастырып, үлестіріп берді. . Салтанатты жиынның соңында Сарымолдаев ауылдық округі әкімінің аппараты және демеушілердің қолдауымен   балаларға балмұздақ таратылды. Жиын соңында оқушыларды топ жетекшілері және тәлімгерлері белгіленген кабинеттеріне апарып, күн тәртіптерімен таныстырып, кітапхана, мектеп психологтары және медбике топтармен танысты. Әр топпен ойындар ойнатылып, сыйлықтар ұсынылды.  Айта кету керек лагерь аумағы балалардың жайлы демалуы үшін барлық қажетті құралдармен жабдықталған. Ыңғайлы асхана, ойын бөлмелері мен ойын-сауық алаңдары қарастырылған.