“Ауыл мектебі - сапа алаңы”

Ауыл мектептерін қолдау - Оқу-ағарту министрлігінің басты назарында! 

2024 жылдың 26 желтоқсанында Астана қаласында Оқу-ағарту министрі Ғани Бейсембаев  ауыл мектептерінің білім сапасын артыруға үлес қосып, олардың болашақта қоғамда өз орындарын табуына мүмкіндік беріп, қолдау көрсету мақсатында еліміздің түкір-түкпіріндегі ауылдарда ұстаздық қызметте жүрген педагогтермен кездесті. Кездесуге Жамбыл облысы, Меркі ауданынан барған Мұхтар Әуезов атындағы мектеп-лицейінің директоры Койшиманова Нурила Сейсембаевна басқарып отырған мектеп-лицейі “Ауыл мектебі - сапа алаңы” атты жыл қорытындысы бойынша “Тиімді ауыл мектебі” номинациясымен марапатталса, мектеп басшысы “Іскер менеджер” дипломын иеленді. 

Ауыл мектептерінің ішінде сапалы білім, саналы тәрбие беруде үздіктердің қатарынан көрініп, Астана төрінде министрдің қолынан марапат алған Мұхтар Әуезов мектеп-лицейі мен мектеп басшысын шын жүректен құттықтаймыз! Бұл марапаттардың артында үлкен еңбек тұрғаны сөзсіз! Алдағы уақыттағы жұмыстарыңызға сәттілік тілейміз!