Ауыр жүк атанды, ауыр іс адамды сынайды

«Мұхтар Әуезов атындағы  ЖОББМЛ» коммуналдық білім мекемесінде   5-9 сынып білім алушыларының ата-аналарына арналған қолдау сабағы өткізілді. 

Тақырыбы: "Ауыр жүк атанды, ауыр іс адамды сынайды. 

Мақсаты: Төтенше жағдай кезінде ата-аналардың балалардың жеке басының қауіпсіздігін қамтамасыз етуге дайындығын қалыптастыру.

Міндеттері:Ата-аналарды балалардың төтенше жағдайға дайындығын қалыптастыруға ынталандыру.Баланы төтенше жағдайларға дайындауға арналған ата-аналардың практикалық дағдыларын дамыту.Төтенше жағдайға дұрыс дайындықтың бала өмірін қалай сақтап қалатыны негізінде ата-аналардың жауапкершілік сезімін арттыру.

Мектеп директоры Н.Сейсенбаевна  ата-аналарға балаларға бірге қолдау, көмек беру, үйрету, бағыт беру біздің үлкендердің жауапкершілігі екенін сөз етті. Уақыт тауып,  бала тәрбиесіне барынша назар аударуға шақырды.

Мектептің ата-аналарды педагогикалық қолдау сабағының жоспары бойынша шығармашыл ұстаздар сабаққа толық дайындалып, ата-аналарға сабақты жүргізді.  Ата-аналардың ойын тыңдап, кері байланыс жүргізді. 

Біз өмір сүріп жатқан әлем денсаулығымызға және өміріміздің өзіне үнемі қауіп төндіретін қауіп-қатерлерге толы екендігін атап кеттік. Бұқаралық ақпарат құралдары арқылы біз күн сайын әлемнің әр түкпірінде кезекті түрлі табиғи апаттарды болып жатқанын естіп жатамыз. Дәл сол табиғи апат ошағында біздің болуымыз бек мүмкін. Осы жағдайда қауіпсіз жүріс-тұрыс ережелерін сақтау өте маңызды. Сондай-ақ, біз бен сіздің өз балаларымызды әр түрлі төтенше жағдайлардан қорғау, жауапкершілікке үйрету, жеке қауіпсіздік ережелерін сақтауға, төтенше жағдайлар кезінде бала өзін қалай қорғану керектігі туралы нұсқаулар беру, үйрету ата-аналық міндетіміз болып табылатынын ұмытпайық.