09
сентябрь
2018
1 қыркүйек – Білім күніне орай өткізілген «Адам капиталын дамыту факторындағы тәрбие жүйесінің рөлі» атты салтанатты жиын
Владимир Савва атындағы №9 жалпы білім беретін мектеп-лицейінде 2018 жылғы 1 қыркүйек – Білім күніне орай өткізілген «Адам капиталын дамыту факторындағы тәрбие жүйесінің рөлі» атты салтанатты жиын
Бүгінгі таңда мектебімізге 1428 оқушы қабылданса, оның ішінде 228 оқушы 1 сынып сыныпқа қабылданды. Даярлық сыныптарда 9 тәрбиеші, 1-4 сыныптарда 32 сынып жетекші, 8-11 сыныптарда 34 сынып жетекші жұмыс жүргізеді. Сонымен бірге, биылғы оқу жылымыздың тағы бір ерекшелігі мектебімізде жаратылыстану бағыты бойынша 6 лицей сыныптары ашылуда.Білім күні – оқушылардың, ата – аналардың, мұғалімдердің және өзі оқыған мектебін ыстық көретін және есінде сақтап жүрген барлық адамдардың дәстүрлі мерекесі. Өйткені, бұл күн олар үшін әсерлі және есте қаларлықтай болып саналады. Салтанатты жиында Қазақстан Республикасының Мемлекеттік Туы салтанатты түрде кіргізіліп, ҚР-ның мемлекеттік Гимн орындалды. Салтанатты жиынға аудандық білім бөлімінің әдістемелік кабинет меңгерушісі Бопиева Сапаркүл Тұрғынбайқызы, аудан әкімдігінің спорт бөлімінің бас маманы Османов Айваз Магадиұлы , «Меркі тынысы» газетінің редакторы Ольга Мазур және құрметті ауыл ақсақалдары,ардагер ұстаздар қонаққа келді. Олар мектебіміздің ұстаздарын, оқушыларын бүгінгі Білім күнімен құттықтап, ҚР Президенті Н.Ә.Назарбаевтың «Мәңгілік Ел» ұлттық идеясын насихаттап, оқушыларға өз елінің патриоты болуға шақыра отырып, сабақтарын жақсы оқып, тәртіпті, үлгілі болуға шақырды. Балалықпен қоштасып, мектеп табалдырығын аттағалы отырған 1 сынып оқушылары мен алғашқы ұстаздарын қошеметпен қол соғып, қарсы алды. Алғашқы қоңырау соғу рәсімі мектебіміздің 1 сынып оқушылары Бақытжанқызы Айзере мен Маджит Мұхаммедке берілсе, 11 сынып оқушылары, мектебіміздің үздік оқушысы, Республикалық көркем сөз байқауының иегері Абатбай Сымбат пен Халықаралық спорт жеңімпазы Алиев Кемальға берілді.
Салтанатты жиыннан кейін 1 мен 11 сынып оқушылары «Адам капиталын дамыту факторындағы тәрбие жүйесінің рөлі» (Духовное обновления – успех развитие современной личности) тақырыбында өтетін сынып сағатына кірді. 1-8 сынып жетекшілер оқушыларға «Мәңгілік Ел» құндылықтарын, Тәуелсіздік алғаннан бергі Қазақстан жетістіктерін насихаттап, Қазақстан Республикасының Конституциясына деген мақтаныш сезімді ояту және құрметпен қарау керек екендігін толық түсіндірді.
Мектеп кітапханасында 30-тамыз Конституция күніне арналған көрме қойылса, тарих пәні мұғалімдері стенд жасады. Тәрбие сағатынан кейін сынып жетекшілер оқушыларға сабақ кестесін беріп, үйлеріне таратты.
