"Кәсіпкерлік және бизнес" тақырыбында кездесу

Бүгін, 12.02 күні Владимир Савва атындағы жалпы білім беретін мектеп-лицейінде 9-сынып оқушыларымен "Кәсіпкерлік және бизнес" тақырыбында кездесу өтті. Мақсаты - жас жеткіншектерге кәсіпкерлік туралы түсінік беру, бизнес жасау жолдарымен таныстыру болатын. Кездесуге ауданымыздағы жеке меншік көтерме ірі "Қуаныш" сауда орталығының иесі Кушанова Перизат Исмаил қызы, "Еврострой" құрылыс сауда дүкенінің иесі Мавлюдов Рустам Васибович және "Нұржамал" сұлулық салонының иесі Бақытжанова Нұржамал Текебайқызы қонақта болды. Кәсіпкер-өнеркәсіп, сауда, және т.б фирмалардың иесі, тиімді істерді ұйымдастыра білетін іскер адам. Ақылмен қорыта алатын, тәуекелге бара алатын, алдына қойған мақсатына жете алатын жандар екені белгілі. Бүгінгі біздің қонақтарымыз балаларға өз кәсіптерін қалай ашқандарын, бизнес баспалдақтарында кездескен қиыншылықтар ды қалай жеңуге болатыны жайлы әңгіме қозғады. Оқушылар өз сұрақтарын қойып, нақты жауаптар ала білді.