«Мектепке тағзым»

Мектебімізде Елбасы Н.Ә.Назарбаевтың «Болашаққа бағдар: Рухани жаңғыру» атты мақаласын іске асыру мақсатында 10 қазан - 25 мамыр аралығында «Мектепке тағзым» атты акция шеңберінде іс – шаралар жоспары жасалып, бекітілді. Акцияның мақсаты: Түлектерді туған жеріне, білім алған мектептеріне, сабақ берген ұстаздарына құрмет көрсетуге шақыру, оқушыларға өз мектептерін бітірген танымал түлектердің табысты өмір жолын үлгі ету. Жоспар бойынша мектебіміздің танымал түлектері туралы мәліметтер базасын жинақтадық. Осы мәлімет бойынша мектебімізді 32 жыл бұрын, яғни 1986 жылы мектепті бітірген Музарапов Бахтияр Юлдашұлы қонаққа келді. Ол оқушыларға жеке кәсібін қалай ашқанын және өзінің табысты өмір жолы туралы айтып өтті. Сонымен қатар, ол өзінің білім ошағына сый – құрмет көрсетіп, мектеп үшін қажетті «Дрон» видеокамерасын сыйға тартты. Қонағымыздың құрметіне мектебіміздің дарынды оқушылары ән, би орындады.