«Ата-аналарды педагогикалық қолдау»

Меркі ауданының білім бөліміне қарасты «Мұхтар Әуезов атындағы жалпы орта білім беретін мектеп-лицейі» коммуналдық мемлекеттік мекемесінде «Ата-аналарды педагогикалық қолдау» орталығының қазан-қараша айының жұмыс жоспарына сәйкес 10 -11 сынып оқушыларының ата-аналарына 10-сынып жетекшілері Н.Жеңіс, Д.Кикнадзе, Ж.Сыдыкова, Р.Идрисованың ұйымдастыруымен "Шекара және қолдау: жасөспірімге өмірлік сынақтарды еңсеруге қалай көмектесуге болады" тақырыбында сабақ өткізілді.  

Жасөспірімнің эмоционалдық тұрақтылығын арттыруға ықпал ететін конструктивті қарым - қатынас дағдыларын дамыту мақсатында өткізілген сабақта ата-аналар жасөспірімдерде жеке шекаралардың бұзылу мәселесін, өзін-өзі қорғау дағдыларының дамуын, сенімді нығайту мәселелерін түсінді.

Аталған педагогикалық қолдау сабағында ата-аналар топқа бөлініп, жағдаяттық тапсырмалар орындап, өздерінің пікірлерімен бөлісті.