«Заманауи жас маман-2022» жеңімпаздарын құттықтаймыз!

Бүгін, яғни 2022 жылдың  5 мамыр күні жас мұғалімдердің шығармашылықтарын, жұмыс істеу қабілеттерін анықтау,  кәсіби мәртебесін көтеру және қолдау мақсатында өткізілген аудандық «Заманауи жас маман-2022» байқауы өткізілді. Байқау 3 кезеңнен тұрды:  1. Пән бойынша тест жұмысын орындау; 2. «Жаңғыру жолындағы жас маман рөлі» тақырыбында эссе жазу; 3. Белгілі бір тақырыпта әдіс-тәсілдердің озық үлгілерін пайдалана отырып, панорамалық сабақ көрсету. 

Мектебімізден педагогикалық еңбек өтілі  1-3 жылды құрайтын 5 жас маман қатысып, аталған кезеңдер бойынша жоғары ұпай жинап, жүлделі  орындарға ие болды. Олар: қазақ тілі мен әдебиеті пәні мұғалімі - Мухтанова Анар Сексенбайқызы І-орын, математика пәні мұғалімі - Ағылиев Мұхтар Тоғайбайұлы І-орын, химия пәні мұғалімі - Жеңіс Нұрым І-орын, ағылшын пәні мұғалімі -Нәметқұл Құралай Мұратбекқызы ІІ-орын иеленді. 

Мектебіміздің жас мамандарын жүлделі орындарымен құттықтап, алдағы жұмыстарына шығармашылық табыс тілейміз!