2022 жылы 1-қыркүйек «Білім күні» құтты болсын!

2022 жылы 1-қыркүйек «Білім күні» құтты болсын! 

 Мұхтар Әуезов атындағы  жалпы орта білім беретін мектеп-лицейінде білімге деген құштарлығын арттыру, еліміздің білімді, тәрбиелі азаматын елжандылыққа тәрбиелеу, өскелең ұрпақтың білімге құштарлығын қалыптастыру және жаңа оқу жылының алдында мереке атмосферасын құру болатын.  Өскелең ұрпақтың патриотизімін және тағаттылығын тәрбиелеу, рухани-адамгершілігін қалыптастыру мақсатында «Білімге ұмтылу, еңбексүйгіштік және отаншылдық» атты  салтанатты жиын өткізілді. Жиын Қазақстан Республикасының Мемлекеттік Туын көтеру рәсімдерімен ашылды. Мемлекеттік  Гимн орындалады. Ту көтеру рәсімін 11-сынып оқушылары бокстан жасөспірімдер арасындағы республикалық турнирден екінші орын иеленген Афлатонов Садраддин мен үздік,дарынды оқушы Жақсылық Дианаға берілді. Салтанатты жиынды мектебіміздің директоры Б. Т. Қыстауов оқушыларды, бүлдіршіндерді бүгінгі мерекелерімен құттықтап, мектептің оқу жетістіктерімен бөлісті.  Сонымен қатар аудандық білім бөлімінің әдіскері Байтулекова Жанар Болатовна, спорт және туризм бөлімінің жетекшісі Османов Айваз Магадиұлы,  Азербайжан этномәдениет бірлестігі төрағасы Жамалов Гюлаға және  ардагер ұстаздарымыз Величко Елена Николаевна, Жадраева Тоқтагул Исмагуловна, Кикнадзе Угрия Агабековна қатысып, өздерінің жылы лебіздерін білдірді. Салтанатты жиынымыз 11 сынып оқушылары «Ұстазым» әнімен жалғасып, 1 сынып бүлдіршіндері ұстаздарға арнаған тақпақтарын айтты. Алғашқы қоңырауды күмбірлете соғу үшін ортаға мектебіміздің биыл түлеп ұшатын дарынды оқушысы Жайдар Ақберен мен үздік оқушы Рыжова Ульяна мен мектеп табалдырығын аттағалы отырған бүлдіршіндеріміз Бексұлтан Адия және Рашид Нұрисламға берілді. 

Сонымен қатар, 1-11 сыныптар арасында «Білімге ұмтылу, еңбексүйгіштік және отаншылдық»» атты тәрбие сағаттары өткізілді. Сынып сағаттарында Кең байтақ Қазақстан Республикамыздың Тәуелсіздігіне 31 жыл. Тәуелсіздік – бабалар аңсауы, ұрпақтың қолы жеткен киелі кезең екенін, Тәуелсіздік – таңбасы таста, қаны қара жердің тамырында жатқан құдіретті сөз екенін айтып өтті. Сынып сағаттарын  мектеп әкімшілігі аралап, оқушыларға сәттілік тіледі.