кәсіподақ күніне және ҚР Рәміздерінің 30 жылдығына орай мектеп ұжымының денсаулығын нығайту мақсатында эстофеталық жарыс ұйымдастырылды

Кәсіподақ әрқашан жұмыс істейтін халықтың еңбек және әлеуметтік-экономикалық аспектілерін қорғайтын ұйым. Қызметшілердің мүдделерін қорғау, құқықтарының сақталуын қоғамдық түрде бақылау, еңбек қауіпсіздігі және оны қорғау, жанжалдарды шешу - бұл ұйымның басты міндеттері. 

Осы орайда 10 қазан күні Мұхтар Әуезов атындағы мектеп-лицейінде кәсіподақ күніне және ҚР Рәміздерінің 30 жылдығына орай мектеп ұжымының денсаулығын нығайту, шеберлігін шыңдау, мектеп ұжымы арасында ұлттық ойындарды насихаттау, мұғалімдерді бір ортақ мақсатқа жұмыла білуге, ұжымшылдыққа баулып, қимыл әрекетке жаттықтыру мақсатында мектеп ұжымы арасында мектепішілік ұлттық және эстофеталық ойындар жарысы өткізілді.

Жарысқа пән бірлестіктері, мектеп әкімшілігі, кіші қызметкерлерден құрылған 8 команда қатысты. Нәтижесінде Бас жүлдені дене шынықтыру бірлестігінен құрылған "Достық" тобы, І орын бастауыш пән бірлестігінен құрылған "Бастау" тобы, ІІ орынды еңбек және ағылшын пән бірлестігінен құрылған "Көк байрақ" тобы, ІІІ орынды орыс тілі мен химия пән бірлестігінен құрылған "Болашақ" тобы иеленді. Жеңімпаздар мен барлық қатысушыларға кәсіподақ атынан сыйлықтар табысталды.

Іс-шара соңында биыл жұмысқа қабылданған жас мамандарды кәсіподақ ұйымына мүшелікке қабылдау рәсімі жүргізіліп, жас ұстаздарға сыйлық сертификаттар табысталды.